КОВИД-19-ийн эсрэг вакцины IV тунг эхлүүлсэн улс хараахан алга

Tsegts.xyz гэх сайт “С.Амарсайхан: Бусад улсуудад 4-р тунд аль хэдийн хамрагдаад эхэлчихсэн ийм улс орнууд байна” гэсэн гарчигтай мэдээ нийтэлжээ.

Уг мэдээг ороод үзвэл Монгол Улсын Шадар сайд, УОК-ын дарга С.Амарсайхан zarig.mn сайтад өгсөн тодруулгаас мэдээлж байгаагаа дурдаад “Гуравдугаар тунгийн дараа дөрөв дэх тун гэж байх уу?” гэсэн сэтгүүлчийн асуултад “Одоогоор IV тун гэсэн ойлголт алга байна. Бусад улсуудад, IV тунд аль хэдийн хамрагдаад эхэлчихсэн ийм улс орнууд байна. Ерөөсөө дельта хувилбарын гол өвчлөл, хор нөлөөг буулгах асуудал бол гуравдугаар тунд хамрагдах, тэгээд цааш нь өөрийнхөө дархлааг өсгөж явах нь иргэн бүрийн хувьд хамгийн чухал асуудал болчихоод байна” гэж хариулсан хэсгийг мэдээ болгон нийтэлсэн байна.

Үргэлжлүүлэн Дархлаа сэргээх III тунгийн ач холбогдол, хариу урвалын талаар ХӨСҮТ-ийн Дархлаажуулалтын албаны дарга О.Дашпагмын тодруулгыг оруулжээ.

FactCheck:

Tsegts.xyz сайтын нийтэлсэн уг тодруулгыг бүрэн эхээр нь zarig.mn сайтаас үзэхэд Шадар сайд С.Амарсайханы тодруулга бүхий 7 минут 40 секундын бичлэгийг 2021.10.11-нд нийтэлжээ. Бичлэгийг үзвэл халдварын нөхцөл байдал хүнд байгаа ба гуравдугаар тун болон томуугийн вакцинд иргэд аль болох идэхвтэй хамрагдаж, вирусээр хүндээр өвчлөхөөс сэргийлэх хэрэгтэй байгаа талаар ярьжээ.

Тэрбээр “Хамгийн чухал зүйл бол III тунд иргэд идэвхтэй хамрагдах. Одоогийн байдлаар 330 гаруй мянган хүн хамрагдсан байна. Бид вакцины үр нөлөөг түүврийн аргаар олон судалгаа хийсэн юм. Эрдэмтэн судлаачид, улсын байгууллагуудтай хамтраад өнгөрсөн хугацаанд олон судалгаа хийсэн. Жишээ нь, 34,000 хүний дунд санамсаргүй аргаар судалгаа хийхээд

  • вакцины I дүгээр тунгийн дараа 32 хувийн дархлаажуулалттай
  • II тунгийн дараа 78 хувийн дархлаа тогтож байсан.

Тав, зургадугаар сар халдвар нэлээд буурч ирсэн. Харамсалтай нь дельта хуилбар орж ирсэн. Уг хувилбарын вакцины нөлөөллийг бууруулж байгаа идэвх асар өндөр. Альфад үйлчилж байсан вакцины нөлөөлөл дельта хувилбарт дунджаар 32 хувиар буурч байгаа. Тиймээс III тунд хамрагдах нь хамгийн чухал байгаа. Гуравдугаар тунд хамрагдсан хүмүүсээс 240 мянган хүний дунд судалгаа явуулахад 0.1 хувь нь халдварт өртсөн, бусад нь халдварт өртөөгүй. Энэ нь III тун Дельта хувилбараас илүү сайн хамгаалж, дархлааг өндөр түвшинд барьж байна гэсэн үг. Тиймээс бидний анхаарах гол асуудал III тун, томгуугийн вакцинд хамрагдах ажлыг эрчимтэй үргэлжлүүлэх” хэмээн ярьжээ.

Үүний дараа IV тунгийн талаар сэтгүүлч асуухад дээрх хариултыг өгсөн байна.

Коронавирусийн эсрэг вакцинжуулалт дэлхий даяар эрчимтэй үргэлжилж байна. Оксфордын их сургуулийн статистикаар дэлхийн нийт хүн амын 47.7% нь вакцины нэг тунд хамрагдсан бөгөөд нийт 6.65 тэрбум тун вакциныг улс орнуудад нийлүүлжээ.

Бүүстер буюу дархлаа сэргээх III тунг Израиль улс хамгийн эрчимтэй хийж, 2.8 сая хүнээ хамруулж чадсан байна.

Монгол Улс мөн III тунг эхлүүлсэн цөөхөн орны нэг бөгөөд 2021.10.13-ны байдлаар 350,230 хүн бүүстер тунд хамрагдаад байна.

Дөрөв дэх тунг хийж эхэлсэн улс одоогоор дэлхий дээр байхгүй. Харин Израилийн профессор Салман Зарка 2021.08.29-нд Иерусалимд болсон цар тахлын талаарх уулзалт дээр КОВИД-19-ийн эсрэг дөрөв дэх тунг хийхэд бэлдэж эхлэх шаардлагатай талаар хэлжээ.

Тиймээс дөрөв дэх тунгийн талаар хэлсэн Шадар сайд С.Амарсайханы мэдээлэл ХУДАЛ байна.

Монгол Улсын тухайд хүн амын 65 хувь нь вакцины бүрэн тунд хамрагдсан бол 10 гаруй хувь нь бүүстер тунгаа хийлгээд байна. Хэрэв вакцинжуулалтыг энэ түвшинд хийгээгүй бол дор хаяж 15,000, цаашлаад 45,000 хүн коронавирусийн халдварын улмаас амиа алдах эрсдэлтэй байсан гэсэн тооцоо судалгааг Эрдэмтдийн баг гаргасныг МУИС-ийн Физикийн тэнхимийн ахлах багш, доктор Т.Бэгзсүрэн танилцуулсан.

Вакцин нь халдвар авхуулахгүй биш, халдварын хүндрэл болон нас барах эрсдэлээс 90-ээс дээш хувьтай хамгаалж байгаагаар ач холбогдолтой болохыг мэргэжлийн байгууллагууд сануулсаар байгаа юм.

Монгол Улс өнөөдөр 1.78 сая тун вакцины нөөцтэй байгаагаас 1.2 сая тун нь Pfizer вакцин байгааг Шадар сайд нэмж мэдээлсэн байна.

Төстэй мэдээлэл

Товч агуулга: Ерөнхий сайд Л.Оюун-Эрдэнэ “Монголчууд бид 12 жил үргэлжилсэн өрийн гинжин хэлхээнээс гарлаа” гэсэн мэдээллийг 2023.12.25-нд хийсэн. Уг мэдэгдэлд “Монгол Улс “Самурай” бондын 30 тэрбум иень буюу 200 сая ам.долларын өрийг өөрийн эх үүсвэрээр бүрэн төлж, шинэ оны босгон дээр гадаад өрийн дарамтаас бүрэн гарч чадсанаа зарлаж байна” гэсэн юм. Энэхүү мэдээлэл нь иргэдийн […]

Товч агуулга Монголд төрж, өсөж байгаа 10 хүүхдийн 4 нь аутизмтай болж байгаа бол 2020 оны байдлаар 5 настай аутизмтай хүүхдийн тоо 33 мянга орчим болохоор байгаа нь үндэслэлгүй болохыг нотолж байна. Улс орнуудын товлолт вакцинууд аутизм өвчнийг үүсгэдэггүй болохыг олон судалгаа нотолсон. Европын орнууд 19 төрлийн вакцинаар хүүхдүүдийн дархлаажуулж байгаа ба төрснөөс 24 цагийн […]

Товч агуулга: Москва24 сайт 2023.02.22-нд Оростой хийсэн мөргөлдөөнд Украин аль хэдийн ялагдсан гэж АНУ мэдэгдсэн тухай мэдээлэл гаргажээ. Уг мэдээллийг Монголын цахим орчинд мөн зарим хүмүүс шэйрэлсэн байна. Энэхүү мэдээллийг нягталж өгөх хүсэлт ирсний дагуу нягталлаа. Factcheck: Москва24 сайтад нийтлэгдсэн уг мэдээний эхний хэсэг “Барууныхны өөдрөг итгэл найдварыг үл харгалзан Оростой хийсэн мөргөлдөөнд Украин ялагдах […]

Амны хаалт нь нүүрстөрөгчийн давхар ислийн аюултай түвшинг хадгалдаг гэж харуулахаар COVID-19 масктайгаар  нүүрстөрөгчийн давхар ислийн хяналтын төхөөрөмжөөр шууд амьсгалж буй эмэгтэйн видеог цахим орчинд тараажээ. Уг видеог фэйсбүүкт 6.5к шэйрлэсэн байна. Энэхүү мэдээллийг нягталж өгөх хүсэлт ирсний дагуу нягталлаа. Factcheck: Энэхүү мэдээллийг Reuters агентлаг нягталж, олон нийтэд хүргэсэн байна. Бичлэг дээр маскандаа нүүрстөрөгчийн давхар […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх