CNN Монгол Улсыг хятад вакцины туршилтад ороод сүйрч байна гэж мэдээлсэн – ТАШАА

“Монгол Улсыг CNN-ээр Хятад вакцины туршилтад ороод улсаараа сүйрч байгаа гэдгийг зарлачихлаа даа, хөөрхий дөө мунхаг ард түмэн” гэх постыг Bilgee Mongolia нэртэй Фэйсбүүк хэрэглэг нийтэлжээ.

Түүний постыг 913 хүн шэйрлэж, 160 хүн лайк дарсан байна.

Уг постыг нягталлаа.

Factcheck:

CNN агентлагийн Хонг Конг дахь сурвалжлагч Дэвид Кулвер дээрх мэдээллийг бэлтгэжээ. Мэдээний хураангуй орчуулгыг хүргэе.

“Энд Хятадад хатуу хөл хориотой хэвээр байгаа тул вакцины үр дүнтэй эсэхийг нотлох боломжгүй байна. Харин АНУ-д үйлдвэрлэсэн вакцин хэрэглэсэн улсуудаас илүү Хятад вакцин хэрэглэсэн улс орнуудад коронавирусийн тохиолдол эрс нэмэгдэж байна. Хятад улс 350 сая тун вакциныг 80 гаруй улсууд руу илгээсэн. Үүнд хөрш орон болох Монгол, Өмнөд Америкийн Чили улс багтана.

Монголд л гэхэд хүн амынх нь 52-оос дээш хувь вакцины бүрэн тундаа хамрагджээ. Чили улс ч үүнтэй ойролцоо бөгөөд эдгээр улс вакцинжуулалтаараа дэлхийд дээгүүрт буюу Израил, АНУ зэрэг оронтой зэрэгцэж явна. Гэвч Монгол, Чили улсуудад КОВИД-19-ийн тархалт эрчимтэй өсөж байна. Өнгөрсөн долоо хоногт л гэхэд Монгол Улсад өдөрт илэрсэн халдварын тоо эрс нэмэгдэж, шинэ дээд амжилт тогтоов. Харин Чили улс өдөрт нэмэгдэж буй халдварыг зогсоохын тул нийслэл хотдоо хөл хорио тогтоожээ.

Вакцинжуулалтаараа дэлхийд тэргүүлж байгаа дөрвөн улс өөр төрлийн вакцин хэрэглэж буйгаараа ялгаатай. Израил, АНУ-д хэрэглэж буй mRNA-д суурилан бүтээгдсэн Модерна, Файзер вакцин нь 90 хувийн үр дүнтэй бол Монгол, Чили улсад хэрэглэж буй идэвхгүйжүүлсэн коронавирусийн Синовак, Синофарм үйлдвэрийн вакцин 50-78 хувийн үр дүнтэй байна.

Хонг Конгийн их сургуулийн профессор Бен Коулинг “Улс орнууд вакцинжуулалттай зэрэгцэж хөл хориог арай эрт бууруулж буй нь коронавирусийн тархалт ихсэхэд нөлөөлж байна. Мөн Файзер вакцин хийлгэсэн хүний биед үүссэн эсрэг биет Синовакийн вакцин хийлгэсэн хүнтэй харьцуулахад хавьгүй илүү байна. Гэхдээ Монгол, Чили улсуудад вакцин олон мянган хүний амийг аварсан” гэв.

Харин эрүүл мэндийн салбарын экспертүүдийн үзэж буйгаар үр дүн нь бусад вакцинтай харьцуулахад бага гээд Хятад вакцин “хэрэггүй” гэсэн үг биш. Вакцинжуулалтын хувь өндөртэй орнуудын эмнэлэгт хэвтэн эмчлүүлж буй хүний тоо, нас баралтын тоо хамаагүй бага байгаа. Вакцины төрөл хамаарахгүйгээр вакцин нь коронавирусийн халдвар авч хүндээр өвдөх болон нас барах эрсдэлээс хамгаалдаг.

Түлхүү Хятадын Синофарм вакцин ашигласан Бахрайн, Арабын Нэгдсэн Эмират Улс вирусийн тархалтыг зогсоохын тулд гуравдугаар тунг иргэддээ санал болгож байна. Хоёр тун хийлгэсэн иргэд Синофарм эсвэл Файзер вакцины гуравдугаар тунг хийлгэж, дархлаажуулалтын хүчийг нэмэгдүүлэх боломжтой аж.

Хятад улс 2022 он хүртэл хилээ хаалттай байлгах төлөвтэй байна. Мөн Хятадын эрх баригчид Хятад вакцины гуравдугаар тунг АНУ-ын вакцинтай хольж гаргаж авахаар хэлэлцэж буй гэнэ.

Өөрөөр хэлбэл, CNN-ийн мэдээлэлд Монгол Улс сүйрч байгаа гэсэн утга байхгүй бөгөөд харин вакцинжуулалтын үр дүнд нас баралт, хүндрэлийн түвшин бага байгааг дурджээ. Тиймээс дээрх пост ташаа байна.

Мэдээг бүтнээр нь үзэх бол:

https://edition.cnn.com/videos/world/2021/06/25/china-vaccine-sinovac-sinopharm-coronavirus-covid-19-efficacy-culver-pkg-intl-hnk-vpx.cnn

Нягталсан А.Одонтуяа

НҮБ-ын Хүүхдийн Сангийн дэмжлэгтэйгээр нягтлав.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Товч агуулга хоёр дахь удаагаа ийм мэдэгдэл хийж байна гэсэн боловч өмнөх мэдэгдэл нь ОХУ-аас Киев рүү хийсэн удаа дараагийн пуужингийн дайралтын талаар 2023.05. 29-нд өшөө авах болно гэдгээ мэдэгдсэн Ч. Пүрэвсүрэн нэртэй фэйсбүүк хэрэглэгч Украины Тагнуулын төв газрын даргатай холбоотой мэдээллийг оруулжээ. Уг мэдээлэлд “Украйны Тагнуулын Төв Газрын дарга Кирилл Буданов гэгч энэ төрийн […]

2020 оны УИХ-ын сонгуулийн сурталчилгаа дуусахад цөөн хоног үлдээд байна. Factcheck.mn сайт нэр дэвшигчид болон намуудын сонгогчдод ярьсан зүйлээс нягтлан хүргэж байгаа билээ. Бид энэ удаад Бүгд найрамдах намын дарга, энэ удаагийн сонгуульд ШИНЭ-ээс өрсөлдөж буй Б.Жаргалсайхан тус эвслийн нэр дэвшигчдийн уулзалтын үеэр хэлсэн үгийг нягталж шалгалаа. Тэрбээр Сүхбаатар дүүрэг буюу 24-р тойрогт ШИНЭ эвслээс […]

Коронавирусийн халдварын тархалд манай улсад, ялангуяа Улаанбаатар хотод эрчимжиж байна. Энэ үеэр коронавирусийн эсрэг вакцин болон амны хаалттай холбоотой ташаа мэдээлэл олон нийтийн сүлжээнд тархаж байна. Тиймээс энэ удаа амны хаалттай холбоотой ташаа мэдээллүүдийг гаднын фактчекерүүд нягталсныг хүргэж байна. 2019 онд БНХАУ дэлхийн амны хаалтны талаас илүүг үйлдвэрлэсэн бол цар тахлын үед уг үйлдвэрлэл 85% […]

С.Сарангэрэл: Энэ жил дотооддоо нэг хүн алсан гэсэн гарчиг бүхий “Өдрийн сонин”-ы тэргүүн нүүрний зураг олон нийтийн сүлжээнд хүмүүсийн анхаарал татаад байна. Энэхүү зургийг цахим орчинд түгээж “үсэг алдсан байх”, “аюулгүй орчингүй газар өөр яах юм”, “ийм юм яриад сууж байдаг сайд байх гэж” гэх мэтчилэн олон сэтгэгдэл хөвөрч байна. Тэгвэл энэхүү зураг нь бодит […]

Баянгол дүүргийн Шуурхай штабаас “12 дугаар сарын 01-ний өдрөөс өмнө зөвшөөрөл авсан 15 чиг үүргийн байгууллагуудын зөвхөн байгууллагын нэр дээрх тээврийн хэрэгслүүд QR кодоо дахин хэвлэж авна уу” гэсэн тайлбар болон доорх зургийг нийтэлжээ.​ Энэхүү мэдээллийг иргэд зөвхөн байгууллагын нэр дээрх зөвшөөрөл бүхий автомашинуудад дахин хэвлүүлж байгаа нь тэдгээрийг л замын хөдөлгөөнд оролцохыг зөвшөөрч байна […]

Товч агуулга COVID-19-ийн вакцин нь хүүхдийн эндэгдлийг нэмэгдүүлдэг гэсэн нотолгоо байхгүй. Их Британийн Үндэсний статистикийн газраас мэдээлснээр вакцины сөрөг нөлөөний улмаас 20-оос доош насны нэг хүн нас баржээ. Блогт өгөгдлийг контекстээс хасаж, COVID-19-ийн олон удаа вакцин хийлгэсэн өгөгдлийн багц мэдээлэл дэх хүүхдүүдийн ихэнх нь эрүүл мэндийн нөхцөл байдлаас шалтгаалан нас барах эрсдэл өндөртэй байгааг орхигдуулсан. […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх