ПСР бол аливаа халдварт өвчин оношлодог багаж биш – ХУДАЛ

“ПСР бол аливаа халдварт өвчин оношлодог багаж биш. Нобелын шагналт доктор Карл Маллис” гэсэн постыг Zanaa Jurmed гэх фэйсбүүк хаягаас нийтэлжээ.

Уг мэдээллийг нягталлаа.

Нобелын шагналт доктор Карл Маллис

FactCheck:

Нобелын шагналт Карл Маллис гэх эрдэмтний талаар илэрц Google-ээр олдсонгүй.

Харин Кэри Б. Маллис хэмээн эрдэмтний талаар мэдээллүүд байна. Биохимич Кэри Б. Маллис нь 1993 онд ДНХ-г маш хялбар болон хямд аргаар шинжлэх аргыг нээснээрээ Химийн салбарын Нобелын шагналыг хүртэж байжээ. Түүнчлэн тэрбээр Полимеразын гинжин урвал буюу PCR-ийг нээсэн гэдгээрээ дэлхий дахинаа алдаршсан ч 2019 онд 74 насандаа хорвоог орхисон байна. 

“ПСР бол аливаа халдварт өвчин оношлодог багаж биш”

FactCheck:

Дэлхий дахинд КОВИД-19-ийн халдвар тархаж, цар тахлын хэмжээнд хүрсэн ч уг вирусийг Полемиразын гинжин урвалын тусламжтайгаар оношилж буй. Ийнхүү цар тахалтай зэрэгцэн Монголд төдийгүй олон улсад иргэдийг төөрөгдүүлсэн ташаа мэдээлэл түгсээр байна.

Тухайлбал Кэри Б. Маллис ПСР бол аливаа халдварт өвчин оношлодог багаж биш гэж хэлсэн хэмээн мэдээлэл ч мөн цахим орчинд ихээхэн түгжээ. Тиймээс Factcheck.mn-ий нэгэн адил баримтыг нягтлагч олон улсын талбар уг мэдээллийг хэдийн нягтлан, худал болохыг нь баталгаажуулжээ.

Олон мэдээллийн хэрэгсэл нягталснаас fullfact.org-ийн нягталсан мэдээллийг хүргэе. Биохимич асан Кэри Б. Маллисийн яг ингэж хэлсэн баримт нотолгоо олдоогүй байна.

PCR нь шинжлэх ухааны хэд хэдэн процесст ашиглагддаг. Энгийнээр тайлбарлавал, амьд организм бүр дезоксирибонүклейн хүчил (ДНХ) болон рибонүклейн хүчил (РНХ) агуулдаг. Тэгвэл PCR буюу Полимеразын гинжин урвал нь тухайн шинжлэгдэхүүнд байгаа эмгэг төрүүлэгч бичил биетний маш өчүүхэн хэмжээний ДНХ эсвэл РНХ-ийг өвөрмөц урвалж, ферментийн тусламжтайгаар олшруулан илрүүлдэг, молекул биологийн өндөр мэдрэг шинжилгээний арга юм.

Гэхдээ энэхүү шинжилгээ нь тухайн хүний эсвэл вирусийн генетикийн материалыг авахад зориулагдаагүй болно. Энэ тухай Кэри Б. Маллис PCR-ийг ямар нэгэн өвчний шинжилгээнд ашиглах боломжгүй гэж хэлж байгаагүй аж. Харин энэ мэт төөрөгдөл үүссэн шалтгаан нь түүний 1996 онд ХДХВ/ДОХ-ын талаар бичсэн нийтлэлээс нь хүмүүс иш татсантай холбоотой юм байна.

Тэрбээр “Кэри Б. Маллис ч, PCR-ын шинжилгээ ч үр дүн өгөхгүй, эсвэл зөвхөн шинжилгээнд хамрагдаж буй хүний ДНХ эсвэл РНХ-ийг тодорхойлдоггүй” гэж хэлжээ. Энэ нь дээр дурдсанчлан зөвхөн ХДХВ/ДОХ-ын хүрээнд хэлсэн утга аж. Энэ нь PCR-ын шинжилгээ нь огт үр дүнд хүрээгүй гэсэн утга биш, харин PCR-ын шинжилгээг ашиглан дээжээс вирусийн тодорхой түвшнийг илрүүлэх хязгаарлалттай байсан гэсэн үг юм байна.

Тиймээс олон нийтийн сүлжээгээр явж байгаа “PCR-ийг нээсэн эрдэмтэн Кэри Б. Маллис уг шинжилгээ үр дүнгүйг өөрөө хэлжээ” гэсэн агуулга бүхий пост, видео зэрэг нь бүгд ТАШАА болохыг уг баримтыг нягтлагчид онцолжээ.

Энэ талаар илүү дэлгэрэнгүй нягталсэн мэдээллийг ЭНЭхүү сайтаас уншиж танилцах боломжтой.

Төстэй мэдээлэл

”Сэлэнгэ аймгийн Мандал суманд орших Хатан хайрхан. Эр хүн гарч болдгүй гэжийлээ шүү. Хиймэл дагуулаас авсан зураг болно. Яг хажуу дэргэдээс нь харвал энгийн л нэг том хайрхан. Эрт дээр үеэс Хатан хайрхан гэж нэрлэж ирсэн нь ч учиртай байх. Ер нь бол Ноён уулын салбарлаж гарсан” гэсэн тайлбартай уг зураг сүүлийн өдрүүдэд цахим орчинд […]

Товч агуулга АНУ-ын цэргийнхэн хүүхдийн вакцинаас скополамин илрүүлсэн

Tserenkhuu Ishtseden гэх фэйсбүүк хаягаас “Дархлаа тогтсон эсэх нь 7-8

Баянгол дүүргийн Шуурхай штабаас “12 дугаар сарын 01-ний өдрөөс өмнө зөвшөөрөл авсан 15 чиг үүргийн байгууллагуудын зөвхөн байгууллагын нэр дээрх тээврийн хэрэгслүүд QR кодоо дахин хэвлэж авна уу” гэсэн тайлбар болон доорх зургийг нийтэлжээ.​ Энэхүү мэдээллийг иргэд зөвхөн байгууллагын нэр дээрх зөвшөөрөл бүхий автомашинуудад дахин хэвлүүлж байгаа нь тэдгээрийг л замын хөдөлгөөнд оролцохыг зөвшөөрч байна […]

“Сургуулийн автобустай холбоотой хэвлэл мэдээлэл, олон нийтийн сүлжээгээр гарч буй буруу ташаа мэдээлэлтэй холбоотой” хэмээн тодотгоод “Моннис Моторс” ХХК хүүхдийн автобустай холбоотой мэдэгдэл гаргажээ.  Уг мэдэглийг бид дараах байдлаар нягталлаа.  Моннис: Нийслэл хотын хүн амын тоо сүүлийн жилүүдэд огцом өссөн нь боломжтой нэг нь хүүхдээ суулган хотын гудамд олон цагаар түгжрэн, боломжгүй нэг нь халтиргаа гулгаа, […]

Товч агуулга Шинжлэх ухааны түүхэнд вакциныг нээж бүтээснээр олон хүнийг халдварт өвчнөөс сэргийлж, амийг нь аврах боломж бүрдсэн. Томуугийн эсрэг вакцин нь тухайн томуугийн улирлын ханиадны улмаас эмчид очих эрсдэлийг 40-60%, нас баралтыг 90 гаруй хувьтай бууруулдаг болон нь нотлогдсон. Хүүхэд насандаа вакцинд хамрагдсаны үр дүнд жил бүр 4 сая хүн нас барахаас сэргийлж байна. […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх