FactCheck Review Mongolia гэх фэйсбүүк хаягийг нягталж өгөх хүсэлт ирсний дагуу нягталлаа.
Factcheck:
Тус хаягийн Page transparncy хэсгийг шалгахад 2025.06.25-нд нээсэн хаяг байна. Энэхүү хаяг нь өнөөдрийг хүртэлх хугацаанд фэйсбүүктээ таван пост л оруулсан бөгөөд 2026 онд хоёр л мэдээлэл постолжээ. Сонирхолтой нь оруулсан бүх мэдээлэл зөвхөн тамхитай холбоотой байна. Ингэхдээ сүүлийн постоо төлбөртэй түгээжээ.
Мөн 2025.08.31-нд оруулсан постдоо “Хамгийн хортой я.нжуурын хэрэглээг багасгах биш, ян.жуурыг орлуулж болох хор багатай бүх хувилбарыг хорихоор Н.оми.нчимэг гиш.үүн ажиллаж байна. 2026 онд цахилгаан mамхи хэрэглэж байгаа 300,000 хүн сонголтгүй болж буцаад я.н.жуурлуугаа орно ⁉️” хэмээн үгүүдийг цэгтэй бичжээ. Энэ нь ихэвчлэн хуурамч мэдээллийг түгээдэг, олон улсад ч мөн ашигладаг арга бөгөөд тухайн мэдээллийг хайхад гарч ирэхгүй байлгах зорилгоор ашигладаг. Уг мэдээллийг Монголын Баримт шалгах төв мөн нягталж, ташаа мэдээлэл тараасныг баталгаажуулжээ.
Өөрөөр хэлбэл, энэхүү хаяг нь Factcheck гэсэн нэрийг ашиглан олон нийтийг ТӨӨРӨГДҮҮЛЖ, хуурамч мэдээлэл түгээж байна.
