Bayarmaa Alex Александра зеленская буюу хар тамхичин нацист зеленскийн охин украйнаас дүрвэжээ гэсэн пост оруулжээ. Уг постыг 96 хүн шэйрлэж, 300 хүн хариу үйлдэл үзүүлсний 189 нь лайк, 51 нь гайхсан, 14 нь гунигласан, 7 нь уурласан буюу дийлэнх нь итгэсэн байгаа юм.
Тус постод “Польш руу гарсан охин нь хар тамхичин эцгийнхээ талаар бодит үнэнийг хэлж үзэн яддаг гэдгээ лайваараа ярьсан байна шүү!
Тэрхүү лайваараа Оросуудаа, украйнчуудаа би та нарт юу болоод байгаа талаар үнэнийг хэлмээр байна гээд л эцгийнхээ талаар баахан зүйлс дэлгэсэн байна. Эцэг нь хар тамхинд донтсон, бандера нацистуудтай нийлж Орос хэлээр ярьдаг украйн иргэдээ алдаг, америкаас маш их хэмжээний доллар авч хариуд нь энэ дайныг эхлүүлсэн, америкт болон европын хэд хэдэн улсад хауснууд төлбөртөө авсан гээд л өчнөөн зүйлсийг лайваараа ярьж эцэст нь хар тамхичин нацист эцгийгээ үзэн ядаж байна хэмээн бичлэгээ дуусгасан гэнэ!
Саяхан хар тамхичин зеленский европ дахь нэг хаусаа Орос иргэдэд түрээслүүлсэн байна гээд л шуугилдаад мэдээлэл гараад байсан, тэр хаус нь энэ дайныг эхлүүлж гол дүрд нь жүжиглэж яваагийнхаа хариуд авсан олон хаусных нь нэг гэдэг нь ч бүүр тодорхой болоод ирлээ дээ!
За тэгээд тэр укранацист хар тамхичин зеленскийгээ өмөөрдөг нөхдөд хэлэх үг байна уу? Бичлэгийг нь тавихлээр цаанаас нь устгаад байна.” гэжээ.
Уг мэдээлэл 2022 оны гуравдугаар сард олон улсад тарсан бөгөөд Германы DW агентлаг дөрөвдүгээр сард нягталж ХУДАЛ болохыг нь баталгаажуулсан байна.
Factcheck:
Тухайн үед олон нийтийн сүлжээд цацагдсанаар Украины ерөнхийлөгч Володимир Зеленскийн охин Олександра аавыгаа “нацист” гэж нэрлээд Польш улс руу дүрвэсэн гэсэн агуулгатай байснаас гадна хуурамч видео мөн тархжээ.
Уг зургийг reverse image түүл ашиглан хайхад 2017 оны видеоны хэсгээс авсан зураг байжээ. Зеленскигийн охин 2004 онд төрсөн бөгөөд бичлэг дээрх эмэгтэйгээс залуу болохыг 11 настай үеийнх нь бичлэгтэй харьцуулсан байна. Түүнчлэн 2017 оны уг бичлэг дээрх эмэгтэй украинаар биш оросоор ярьж байгаагаас гадна Зеленскигийн тухай биш ажээ.
Мөн түүний 17 настай охин ээжийнхээ хамт Киевт байгааг олон улсын мэдээллийн эх сурвалжууд бичсэн байна.
Ийнхүү хагас жилийн өмнө худал болохыг нь нягталсан мэдээллийг Монголд эх сурвалжгүйгээр түгээсэн бөгөөд түүнд нь цөөнгүй хүн итгэжээ.
Эх сурвалжууд:
https://www.dw.com/en/fact-check-zelenskyys-daughter-did-not-flee-to-poland/a-61645317
https://web.archive.org/web/20220421190637/https://twitter.com/1098Bryan/status/1517218169898815494
