КОВИД-19 вакцинд ХДХВ-ийн халдвар байгаа гэж BBC мэдээлсэн талаар фэйсбүүкийн постууд олон нийтийн сүлжээнд таржээ. Уг мэдээллийг fullfact.org нягталсныг хүргэе.
BBC 2021.06 сард КОВИД-19-ийн эсрэг вакцин үйлдвэрлэлэхээр хүчин чармайж байгаа судалгааны ялгаатай багуудын түүхийн талаар баримтат нэвтрүүлэг гаргасан. Уг нэвтрүүлэгт Австралийн Күйнсландын их сургуулийн профессор Кейт Чаппелл зоронавирусийн гадарга дээр олдсон S уургийг ашиглан өөрсдийн бүтээсэн вакцины талаар ярьсан байна.
Дархлааны хариу урвалыг илүү хүчтэй болгоход S уургийг анхны хэлбэрээр нь хадгалах ёстой байсан бөгөөд үүний тулд Хүний дархлал хомсдлын вирус(ХДХВ)-ийн уургийн жижиг хэсгээр S уургийг тогтворжуулжээ. Гэвч уг вакцины тунг хийлгэсэн зарим хүнд ХДХВ-ийн эсрэг биет үүсэж, тестийн хариу эерэг гарсан байна. Тэр нь хуурамч эерэг хариу бөгөөд тухайн хүмүүс ХДХВ-ээр өвчлөөгүй гэсэн үг юм. Улмаар Күйнсландын их сургуулийн эрдэмтэд вакцин боловсруулах оролдлогоо зогсоожээ.
Энэ бүхнийг BBC-ийн баримтат нэвтрүүлэг дээр тайлбарласан ч зөвхөн ХДХВ-ийн уураг ашиглан вакцин хөгжүүлсэн тухай ярианы хэсгийг тасдаж, олон нийтийн сүлжээгээр тараан хүмүүсийг төөрөгдүүлж эхэлсэн байна. Уг вакцины туршилтын анхны оролцогчдоос өөр хүмүүст хийгээгүй бөгөөд одоогоор ашиглагдаж байгаа вакцинуудад ХДХВ-ийн ямар ч хэлтэрхий агуулаагүй байна.
Эх сурвалжууд:
https://fullfact.org/health/hiv-covid-vaccine-queensland/
https://www.bbc.co.uk/iplayer/episode/m000x2tf/horizon-2021-1-horizon-special-the-vaccine
https://www.nature.com/articles/d42473-020-00504-2#:~:text=Why%20clamps%20in,on%20COVID-19
https://www.bbc.com/news/world-australia-55269381
https://fullfact.org/health/there-no-hiv-covid-19-vaccines/
НҮБ-ын Хүүхдийн сантай хамтран бэлтгэв.
