Украины дээгүүр ниссэн ганц онгоц нь манай “МИАТ” - ХУДАЛ

Украины дээгүүр ниссэн ганц онгоц нь манай “МИАТ” – ХУДАЛ

“Украины дээгүүр иргэний ямар ч улсын агаарын тээвэр нисэхгүй байгаа юм байна. Буудчихна гээд. Тэгсэн чинь ганц онгоц нисэж байсан нь манай “МИАТ” гэнэ ээ. Хөөрхөн үү?” гэсэн постыг ulsturch.mn гэх фэйсбүүк хуудас өчигдөр оруулсан. Украины агаарын замыг тойрсон шар онгоцууд дунд Украины агаарын хилээр явж буй цэнхэр онгоц бүхий зурагтай энэхүү мэдээлэл өнөөдөр олон газраар түгээгдэж, онгоцны байрлал болон өнгө ч өөрчлөгдөв. Хамгийн сүүлд ОМ302 нислэгийн дугаартай Монголын онгоц гэх зураг гарчээ. Энэхүү мэдээллийг шалгаж өгөх хүсэлт ирсний дагуу нягталлаа.

Factcheck:

Юун түрүүнд “Украины дээгүүр ниссэн онгоц” гэх хайлтаар дараах зургууд гарсан юм. Яг ижил зурагт өөр өөр байрлалд, өнгө мөн өөрчлөгджээ.

Сүүлийн мэдээлэл буюу ОМ302 нислэгийн дугаарыг МИАТ ТӨХК-иас тодруулахад “ОМ302 дугаар нь Сөүл-Улаанбаатар чиглэлийн онгоцны код” гэдгийг хэлсэн юм. Өөрөөр хэлбэл Сөүл-Улаанбаатар чиглэл нь Украинаар дайран өнгөрөхгүй бөгөөд хоёр өөр чиглэл юм.
Мөн миат төхк-иас 2022 оны 2-р сарын 25-ны өдөр өөрийн албан ёсны фэйсбүүк хуудсаар “Улаанбаатар-Москва-Франкфурт-Москва-Улаанбаатар чиглэлийн зорчигч тээврийн нислэгүүд нь Украин улсын агаарын хил орчмын бүсээс алслагдсан зайд нислэг үйлддэг” гэсэн мэдэгдлийг ч оруулжээ.
Нислэгийн мэдээллийг оруулдаг Aeronews сайтаас Украины агаарын замын талаарх мэдээллийг мөн оруулжээ. FAA буюу Холбооны нисэхийн захиргаанаас АНУ-ын агаарын тээврийн компаниудыг Украин, Беларусь болон Оросын агаарын орон зайд Орос, Украины хилээс 160 далайн милийн (1 далайн миль (nautical mile) = 1.852 x 103 м) зайд нислэг үйлдэхийг нэн даруй хориглосон мэдэгдэл гаргасан болохыг flightradar 24-өөс ишлэн оруулжээ.

2022.02.24-ний 16:00 цагийн байдлаар агаарын замын нөхцөл буюу өчигдөр 16:00 цагаас хойш Украины дээгүүр ямар ч онгоц нисээгүй

Энэхүү зураг нь нислэгийн мэдээллийн нэгдсэн систем болох flightradar 24-өөс авсан зураг бөгөөд яг одоогийн буюу 2022 оны 02-р сарын 25-ны өдрийн 23:00 цагийн байдлаар мөн л Украины агаарын замаар нислэг үйлдэж буй агаарын тээвэрлэгч байхгүй байгаа юм.
Өөрөөр хэлбэл Украины дээгүүр нэг ч онгоц нислэг үйлдэхгүй байхад ниссэн ганц онгоц нь МИАТ ХК-ийнх гэсэн мэдээлэл ХУДАЛ байна.

Эх сурвалж:

МИАТ ТӨХК
https://www.aeronewsglobal.com
https://www.flightradar24.com/

Төстэй мэдээлэл

Твиттерт МАХН-ын гэж харагдах @MAXH_MNG хэмээх хаяг ХУУРАМЧ!

admin
2020-04-30

Өчигдөр буюу 4 дүгээр сарын 29-ний өдөр твиттерт МАХН-ын гэж андуурагдахаар хаягнаас “Манай намын хаягийг дагаснаар та байр авах эрхийн гэрчилгээгээ гардаж авлаал гэсэн үг” гэсэн жиргээ тарав. Уг жиргээг иргэдийн ихэнх нь хуурамч хэмээн ялгаж таниж буй хэдий ч дотор нь итгэн үнэмшиж буй иргэд ч байгаа нь сэтгэгдлүүдээс харагдав. Тухайлбал тэд, дахиж танай намд итгэхгүй, […]

Ташаа

“Мон цемент” компани үйлдвэрээ улсын комисст хүлээлгэн өгөөгүй – ТАШАА

Хөгжлийн банкнаас зээл авсан “Мон цемент” компани үйлдвэрээ улсын комисст хүлээлгэн өгөөгүй гэсэн мэдээлэл гарсан. Тодруулбал, Zarig.mn сайт 2022.02.19-нд “Мон цемент, МАК цементийн үйлдвэрүүдийг улсын комисст хүлээлгэж өгөөгүйн цаад шалтгаан” гэсэн гарчигтай мэдээ нийтэлжээ. Уг мэдээнд “Монполимет ХХК болон МАК цемент ХХК-ийн төслүүд амжилттай хэрэгжсэн ч тэд барьсан үйлдвэрээ улсын комисст хүлээлгэж өгдөггүй гэх мэдээлэл […]

Нотлогдоогүй

Хүүхдүүдийн дунд тархсан гепатит КОВИД-19-ийн вакцинтай хамааралтай нь НОТЛОГДООГҮЙ

Товч агуулга Их Британи: Хүүхдийн гепатит нь коронавирусийн вакцинтай хамаатай гэсэн ямар ч нотолгоо байхгүй АНУ-д 109 хүүхдэд элэгний гепатит оношлогдсон ч вакцинд хамрагдах насны хүүхдүүд биш Factcheck: Хүүхдүүдийн дунд гепатитийн хүнд хэлбэрийн өвчлөл дэлхий даяар нэмэгдэж байгаа нь Pfizer-BioNTech компанийн Pfizer вакцинтай холбоотой хэмээн эрдэмтэн судлаачид дүгнэсэн гэх мэдээлэл олон нийтийн сүлжээнд тархжээ. Гэвч […]

Хятад вакцин хийлгэсэн бүх хүн өвчилсөн үү?

Dulamjav Erdenechuluun гэх фэйсбүүк хэрэглэгч “Германд гадаа мааск зүүчихсэн хүн нэг ч байхгүй. Манайхан сүүлийн 2 жил гадаа доторгүй мааскнаас салалгүй байсаар хятад вакцин хийлгэсэн бүх хүмүүс өвчлөөд байхад 3 дах тун гэх юм. Германд 3 тунгийн сураг ч алга. Ахан дүүс 3 тун битгий хийлгээрэй. Монголчуудыг туршилтанд оруулж байна” гэсэн постыг 2021.10.30-нд нийтэлжээ. Factcheck: […]

Автомашины QR кодыг хуурамчаар үйлдвэл Эрүүгийн хуулиар шийтгэнэ – ҮНДЭСЛЭЛГҮЙ

admin
2021-01-02

“Автомашины дугаарыг өөрчлөх, QR кодыг хуурамчаар үйлдвэл Эрүүгийн болон Зөрчлийн хуулиар шийтгэнэ” гэсэн мэдээллийг нийслэлийн ЗДТГ-аас гаргасан. Тодруулбал, Улсын Онцгой комисс, Засгийн газрын шийдвэрээр Гамшгаас хамгаалах бүх нийтийн бэлэн байдалд шилжсэн энэ үед тусгай үүргийн 18 чиглэлийн үйл ажиллагаа эрхэлдэг байгууллагуудын ажилтнууд QR код бүхий замын хөдөлгөөнд оролцох зөвшөөрлөөр явж байгаа. Харин QR кодыг хуурамчаар […]

Худал

Вакцин өөрөө халдварт өвчин – ХУДАЛ

Otgonbayr Purevdorj гэх фэйсбүүк хэрэглэгч 2022.04.29-нд “Үнэн гэвэл вакцин чинь өөрөө халдварт өвчин шдээ. Яагаад гэвэл тухайн вирусийг хүний биед зориуд шахаж дархлаа тогтоох нэрийн дор үй олноор нь халдваржуулсан юм шүү” гэсэн агуулгатай пост оруулсныг нягталж өгөх хүсэлт ирсэн юм. Factcheck.mn энэ талаар өмнө нь нягтлан хүргэж байсан ч олон нийтийн дунд вакцин өөрөө […]

Өөр мэдээ олдсонгүй.