Монгол улсыг Өвөр Монголтой андууран хуурамч мэдээлэл түгээжээ

“Монгол маань жагсаалт руу ороод ирлээ!“ гэсэн доорх мэдээлэл цахим орчинд түглээ.

Бид энэхүү мэдээлэлд факт-чек хийсний дүнд уг мэдээлэл нь хуурамч болохыг тогтоолоо. Учир нь БНХАУ-ын ӨМӨЗО-нд Коронавирусын бүртгэгдсэн тоог Монгол улсад бүртгэгдсэн мэтээр мэдээлжээ.

Уг мэдээллийг бид ДЭМБ, Хятадын Халдварт Өвчний Хяналтын төв (Center of Decease Control) зэрэг байгууллагуудын гаргасан мэдээллийг нэгтгэн олон нийтэд цаг тухайд нь шуурхай хүргэх зорилготой Жон Хопкинсийн их сургуулийн Системийн шинжлэх ухаан, Инженерийн төвөөс мэдээлж буй цахим хуудас болон бусад холбогдох эх сурвалжаар баталгаажууллаа.

Дээрх зураг дээр тодорхой байгаачлан БНХАУ-ын ӨМӨЗО-нд нийт 46 тохиолдол батлагдсанаас 4 тохиолдол эмчлэгдсэн хэмээн мэдээлжээ.

Харин Монгол улсын тухайд Коронавирусын халдвар одоогоор бүртгэгдээгүй хэмээн мэдээлснийг та доорх зурагнаас харж болно.

Мөн бид ЭМЯ-наас тодруулахад 2020 оны 2 дугаар сарын 6-ны өдрийн 16:00 цагийн байдлаар Монгол улсад Коронавирусын халдвар бүртгэгдээгүй байна гэлээ.

Нэмэлт: 2020.02.06. 19:00 цаг

Бид дээрх алдаатай мэдээлэл түгээсэн сайтад хандан ташаа мэдээлэл түгээсэн тухай мэдэгдэн, залруулах хүсэлтээ илэрхийлсэн бөгөөд алдаа гаргасандаа уучлалт хүсэн мэдээллээ засварлан шинэчлэн оруулав.

Төстэй мэдээлэл

Худал

Ж.Занаа: Коронад тусгаарлалт хэрэггүй, хүнээс хүнд халддаггүй – ХУДАЛ

Иргэний хөдөлгөөний намын дарга Ж.Занаа өөрийн фэйсбүүк хуудастаа коронавирусийн талаарх нэгэн мэдээллийг нийтэлсэн нь олон хүнд хүрээд байна. Уг постод “ШУУРХАЙ МЭДЭЭ: ДЭМБ 180 ГРАДУС ЭРГЭЛТ ХИЙЛЭЭ. КОРОНАГЫН ӨВЧТӨН ТУСГААРЛАГДАХ НЬ ХЭРЭГГҮЙ, КАРАНТИНД ОРОХ Ч ХЭРЭГГҮЙ, ХООРОНДЫН ЗАЙ БАРИХ Ч ХЭРЭГГҮЙ, ТЭР БҮҮ ХЭЛ ХЭН НЭГНЭЭС НӨГӨӨ ХҮНД ХАЛДДАГГҮЙ ГЭДГИЙГ МЭДЭГДЭЖ БАЙНА!!! Breaking news: WHO […]

Ташаа

“ВАКЦИН БОЛ ШИНЖЛЭХ УХААН НЭРТЭЙ БИОЗЭВСЭГ” – ТАШАА

Товч агуулга Вакцинууд аливаа өвчнөөс, нас баралтаас үр

Ж.Занаа: Д, Ц аминдэм байхад л болоод байгаа юмыг заавал вакцин гэж дайраад байх юм – БАТЛАГДААГҮЙ

Иргэний хөдөлгөөний намын дарга Ж.Занаа COVID-19-тэй холбоотой бас нэгэн мэдээллийг постолжээ. Тэрбээр “Д, Ц аминдэм байхад л болоод байгаа юмыг заавал вакцин гэж дайраад байх юм” гэсэн байна. Өмнө нь тэрбээр мөн коронавирус бол цар тахал биш, улирлын вирус бөгөөд цинкээр эмчлэгддэг хэмээн олон нийтийн сүлжээнд бичиж байсныг нь худал болох нь нотлогдож байсан юм. […]

Төөрөгдүүлсэн

Украины хэрэглэсэн вакцин манайтай адил, огт үр дүн өгөөгүй – ТӨӨРӨГДҮҮЛСЭН

@Batbold33455566 гэх твиттер хэрэглэгч “Дельтагийн дэгдэлтийн шинэ голомтоор Украиныг ДЭМБ тодрууллаа, прогноз тийм л байна. Украины хэрэглэсэн вакцин манайтай усны дусал шиг адилхан, барууны цөөн тооны вакцин за тэгээд жунгаа вакцинанд бүх нийтийг хамруулсан, огтхон ч үр дүнгээ өгөөгүй” гэсэн агуулгыг жиргэжээ. Уг жиргээг нягталлаа. Factcheck: Украин улсад COVID-19-ийн дельта хувилбарын анхны тохиолдол 2021.06.23-нд батлагджээ. […]

Covid-19-ийн тухай дуу бүтээсэн нь үнэн

“Монгол улс Корона вирусын тухай дуутай болсон гэж сонслоо. Энэ үнэн үү? Өвчин зовлонгоор дуу хуур хийгээд болж байгаа юм уу? Үүнийг шалгуулмаар байна.” гэсэн иргэний хүсэлтийн дагуу дээрх мэдээллийг нягталж шалгалаа. Ийм дуу зохиож дуулсан нь үнэн байна. Дууны клипийг Дорноговь аймгийн ЗДТГ-ын фейсбүүк хуудас өчигдөр буюу дөрөвдүгээр сарын 16-нд анх байршуулсан нь өнөөдрийн […]

Худал