Цагдаагийн ерөнхий газрын дэд дарга, хурандаа Ж.Амгалан иргэдийг төөрөгдүүлжээ 

Цагдаагийн байгууллагад Хуурамч мэдээлэлтэй тэмцэх дагнах нэгж есдүгээр сарын 23-нд байгуулагдсан бөгөөд энэ талаар Цагдаагийн ерөнхий газрын дэд дарга, хурандаа Ж.Амгалан 24-ний өдөр news.mn мэдээллийн сайтад энэ талаар тодруулга өгөхдөө “Дутуу ойлгосноо цахим орчинд тараадаг байдлыг таслана” хэмээн ярьсан юм. Түүний энэхүү ярилцлагыг Хууль зүй, дотоод хэргийн яамны албан ёсны цахим хуудас мөн олон нийтэд тараажээ.

Тэрээр хэлэхдээ “Гарч байгаа бүх мэдээлэлд Цахим эргүүл анализ хийдэг байдлыг өргөжүүлэх үүднээс тус нэгж байгуулагдсан. Ерөнхийдөө цахим орчинд тараагдаж буй хуурамч мэдээлэлтэй тэмцэхэд ганц Цагдаагийн байгууллага биш бүх байгууллагын оролцоо чухал” гээд, мөн “Монгол хүн бүр аюулгүй байдлаа анхаарах цаг нь болсон. Хэвлэл мэдээллийн хэрэгсэл ч гэсэн үүнд анхаарах ёстой. Дуртай дуртайгаа ярьж, бичдэг  цаг үе ч биш” хэмээн хэлсэн юм.

Энэхүү тайлбараас үүдэлтэйгээр цахим орчинд төдийгүй нийгэмд үзэл бодлоо илэрхийлэх эрх чөлөөнд хор учруулах нь гэсэн шүүмжлэл үүсээд буй.

Тэгвэл тус нэгжийн талаар ЦЕГ өөрийн албан ёсны хуудастаа “Цахим орчинд үйлдэгдэж буй гэмт хэрэгтэй тэмцэх нэгж байгуулагдлаа. Уг нэгж нь олон нийтийн сүлжээнд түгээгдэж буй гүтгэх, доромжлох, худал мэдээлэл тараах болон садар самуун сурталчлах, мөрийтэй тоглоом зохион байгуулах зэрэг гэмт хэргийн шинжтэй бүх төрлийн мэдээ мэдээллийг шалгах, таслан зогсоох, урьдчилан сэргийлэх чиглэлээр үйл ажиллагаа явуулах юм” хэмээн мэдээлжээ.

Тэгвэл  ЦЕГ-ын ХМТ-ийн дарга, цагдаагийн дэд хурандаа Б.Баатархүү “Энд нэг ташаа ойлголт яваад байна. Худал мэдээлэлтэй тэмцэх нэгж огтоос биш” хэмээн үгүйсгэлээ.

Тодруулбал “ЦЕГ-ын даргын тушаалаар 2011 онд цагдаагийн байгууллагад кибер гэмт хэрэгтэй тэмцэх нэгжийг байгуулсан. Сүүлийн үед сошиал орчин ямар өргөн болж байгаа билээ. Өнөөдөр дэлхий дээр фэйсбүүкийн хэрэглээгээр Монгол Улс 10-т, Азидаа 1-т орж байна. Гэмт хэргүүд гудамжинд биш сошиал орчинд явагдах болсон. Сошиал орчин ашиглан залилан хийж, насанд хүрээгүй хүнийг садар самуун сурталчилж, хууль бус, хулгайн эд зүйл сурталчлан борлуулж байна. Биеэ үнэлэлт зохион байгуулж байна. Мэдээллээр дамжуулан хүчирхийлж, нэр төрд халдаж байна. Энэ олон төрлийн гэмт хэрэгтэй цагдаагийн байгууллага хэрхэн тэмцэх вэ. Үүнтэй тэмцэхийн тулд мэргэжлийн алба хаагчдаар бүрдүүлсэн баг ажиллах хэрэгцээ үүсэж байна. Олон нийт ч санал тавьж байна. Ийм зорилготой.

Цахим орчинд хууль бус үйл ажиллагаатай тэмцэх мэргэшсэн нэгжийг Кибер гэмт хэрэгтэй тэмцэх хэлтэс дотор байгуулж байгаа” хэмээн танилцуулав.

Эдгээр баримтыг нягталбал, Цагдаагийн ерөнхий газрын дэд дарга, хурандаа Ж.Амгалан “Худал мэдээлэлтэй тэмцэх хэлтэс” шинээр байгуулагдсан гэсэн ташаа ойлголтыг нийгэмт хүргэж, иргэдийг төөрөгдүүлжээ.

Нягталсан: Ц.Тамир (MCIR)

Төстэй мэдээлэл

Удахгүй болон УИХ-ын сонгуулийн үйл явцад хяналт тавихаар АН-аас ажлын хэсэг байгуулсан бөгөөд тус Ажлын хэсгийн ахлагч, АН-ын дэд дарга Ж.Баярмаа “Дорноговь аймгаас сонгогдсон Б.Дэлгэрсайхан Сэлэнгийн Ерөө суманд байдаг компанийнхаа бүх ажилчдыг Дорноговь руу шилжүүлсэн. Дургүйцсэн хүмүүсийг нь айлгаж дарамталсан. Мөн Сонгинохайрхан дээс Чингэлтэй 10-аад мянган хүнийг автоматаар шилжүүлсэн. Энэ нь мөн л УИХ-ын гишүүн, […]

УИХ-ын гишүүн асан, дуучин С.Жавхлан аравдугаар сарын 15-наас “Монголоо аваръя” хөдөлгөөн эхлүүлж, Сүхбаатарын талбайд суулт хийж байгаа ба энэ талаараа тогтмол лайв хийж, талбайд цугласан иргэдийн сэтгэгдлийг үүгээрээ дамжуулж байгаа юм. Гэвч энэ үеэр зарим иргэн КОВИД-19 халварт өвчин болон вакцины талаар олон нийтэд ташаа ойлголт дамжуулж байна. Тухайлбал, Самандын Жавхлан фэйсбүүк пэйжээр аравдугаар сарын […]

Tserenkhuu Ishtseden гэх фэйсбүүк хэрэглэгч 2021 оны арваннэгдүгээр сарын 6-ны өдөр Pfizer компанийн захиралтай холбоотой нэгэн пост оруулжээ.  Уг постод “Энэ эрхэмийг Альберт Бурла гэнэ. Грекийн Солоники гаралтай еврей хүн. Солоники 66мянган еврейг Гитлер хүйс тэмтэрч үлдсэн 2-хон мянган хүн амь гарахад эх нь асар их хахууль өргөл барьцаар амьд үлдсэн түүх бий. Пайзерийн Ер.захирал […]

Австрали улсад тамхины сав баглаан дээр цусны бүлэгнэлтийн талаар шинэ анхааруулга нэмэгдсэн нь КОВИД-19-ийн эсрэг вакцинтай холбоотой гэх мэдээлэл олон нийтийн сүлжээнд тархжээ. Энэ тухай нягталж өгөх хүсэлт ирсний дагуу нягталлаа. Factcheck: Ийм агуулгатай пост олон нийтийн сүлжээгээр маш их явсан тул AFP агентлагийн баримтыг нягтлагчид мэдээллийг шалгаж, олон нийтэд хүргэжээ. Тухайлбал, доорх ширгээг 2000 […]

Коронавирусийн эсрэг Дархлаажуулалтын ажлын хэсгийн ахалж байгаа, УИХ-ын гишүүн Ж.Чинбүрэн 2021 оны дөрөвдүгээр сарын 28-ны өдөр “Мэдээний урсгал” нэвтрүүлэгт орохдоо вакцины талаар мэдээлэл өгсөн. Эдгээр мэдээллийг нягтлан, худал мэдээллүүдийг хүргэж байна. “Шинжлэх ухааны үндэслэлээр шууд энэ өвчний эсрэг таны бие хамгаалалттай болсон гэдгийг үзүүлдэг нэг ч шинжилгээний арга байхгүй” Factcheck: ХУДАЛ Ковид19 өвчний үүсгэгч Коронавирусийн […]

Хэд хоногийн өмнөөс “Ройтерс”: С.Баярцогтыг 10 сая ам.долларын авлигын хэрэгт буруутгалаа гэсэн гарчигтай мэдээ фэйсбүүк орчинд түгээгдэж эхлэв. Тухайн мэдээлэл нь www.shuud.mn сайтын бэлтгэсэн мэдээлэл бөгөөд энэхүү үйл явдал нь өнөөдрөөс хоёр жилийн өмнө буюу 2018 оны гуравдугаар сарын 20-ны өдрийн үйл явдал болох нь мэдээ уруу ормогц харагдаж байна. Гэвч тухайн мэдээллийг нийгмийн мэдээллийн сүлжээнд […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх