AI-аар хийсэн Ерөнхий сайдын зургаар олон нийтийг ТӨӨРӨГДҮҮЛЖ байна

X платформын @Munkhbatd3 хаягтай хэрэглэгч Ерөнхий сайд Н.Учрал хэсэг хүний хамт онгоцонд зорчиж буй мэт зураг нийтэлж, “Намчингуудын аяллын зардал хэд болж байгаа бол, хаанаас гарч байгаа бол” гэж бичжээ.

Постод хавсаргасан зураг нь X платформ дээр “Made with AI” гэсэн шошготой нийтлэгдсэн бөгөөд энэ нь бодит үйл явдлыг баримтжуулсан гэрэл зураг биш болохыг илэрхийлнэ. 

“Made with AI” шошго юу гэсэн үг вэ?

 X-ийн мэдээлснээр хиймэл оюунаар бүтээсэн болон өөрчилсөн контентыг хэрэглэгчдэд ил тод таниулах зорилгоор тус платформ “Made with AI” буюу “Хиймэл оюун ухаанаар бүтээв” гэсэн шошгыг ашигладаг байна.

Хэвийн бус анатоми

Мөн энэ зургийг ХОУ-аар бүтээсэн болохыг жижиг хэсгүүдээс нь мэдэж болно.

Тухайлбал, хамгийн наана сууж буй эрэгтэйн гарыг нарийвчлан харвал, сарвууны товгор яс огт үзэгдэхгүй ба арьс нь ямар ч үрчлээсгүй, хумсгүй хуруунууд хоорондоо нийлсэн мэт сарнижээ.

Арын зорчигчдыг томруулж харахад хэвийн бус хэсгүүд мөн ажиглагдана. Тухайлбал, зарим хүний нүүрний хэлбэр тодорхойгүй, нүүр болон үсний зааг ууссан юм шиг харагдах бөгөөд нүүрний бүтэц гажсан байна.

Эдгээр нь AI-аар үүсгэсэн зурагт ажиглагддаг түгээмэл шинжүүдийн нэг боловч дангаараа нотолгоо болохгүй. Тиймээс зургийг Google-ийн хиймэл оюунаар бүтээсэн контентыг таних SynthID хэрэглэгдэхүүнээр давхар шалгалаа.

Ингэж шалгахад уг зурагт SynthID илэрсэн.

SynthID нь Google DeepMind-ийн боловсруулсан, хүний нүдэнд үл харагдах дижитал тамга юм. Энэ нь Google-ийн AI загвараар үүсгэсэн эсвэл өөрчилсөн зургийн пикселд хадгалагддаг. 

SynthID тамгатай зургийг таслах, филтер нэмэх, өнгө өөрчлөх, JPEG хэлбэрээр шахах зэргээр засварласны дараа ч илрэхээр бүтээжээ.

Ямар нэг зураг, дүрсийг Google-ийн AI-аар үүсгэсэн эсвэл өөрчилсөн эсэхийг танихдаа Gemini хиймэл оюун ухааны загвараас асууж шалгах боломжтой.

Зураг дээрх гар, нүүр, арын зорчигчид, объектуудын ирмэг зэрэг олон хэсэгт AI-аар бүтээсэн байх магадлалтай шинж тэмдгүүд ажиглагдлаа. Үүн дээр X платформын “Made with AI” тэмдэглэгээ болон Google-ийн SynthID давхар илэрч байгаа тул уг зургийг бүхэлд нь хиймэл оюун ухаан ашиглан үүсгэсэн гэж дүгнэлээ.

Хиймэл оюун ухаанаар бүтээсэн зураг, дүрс нь бодит байдлаас ялгагдахааргүй болтлоо хөгжиж байна. Иймд олон нийтийн сүлжээнд улс төрч, олны танил хүмүүстэй холбоотой болон нийгэмд айдас, түгшүүр төрүүлэхүйц үйл явдлыг харуулсан зураг, бичлэг тааралдвал шууд итгэж болохгүйг анхааруулж байна. Үүний оронд эх сурвалж, платформын тэмдэглэгээ, албан ёсны мэдээллийг давхар шалгаж хэвшихийг Factcheck.mn сануулж байна.

Төстэй мэдээлэл

Тэтгэвэр авч байгаа ахмадуудын 60% нь тэтгэврийн зээлтэй. Тэдгээр ахмадын 70 хувь нь 800 мянга хүрэхгүй тэтгэвэртэй байна. Энэ зээл чухам юунд зарцуулагддаг вэ гэдгийг тодорхойлж гаргасан судалгаа одоогоор байхгүй. Хамгийн сүүлд 2022 онд Фридрих-Эбертийн сангаас 2022 онд хийсэн “Ахмад настны нийгэм, улс төрийн оролцоо” сэдэвт судалгаанд ахмадуудын талаас илүү хувь нь тэтгэврийн зээлтэй бөгөөд […]

СХД-ийн гэр бүл, хүүхдийн хөгжил, хамгааллын хэлтсийн дарга Н.Хөхөөтэй унаач хүүхдийн асуудлаар ярилцлаа. Үндэсний баяр наадам болон хурдан морины бусад томоохон уралдаан Хүй долоон худагт болдог учраас Сонгинохайрхан дүүрэгт энэ асуудал илүү хамааралтай байдгийг тодотгох нь зүйтэй. Өвөл, хаврын уралдаан бол Монголын уламжлал биш -Өвөл, хаврын морин уралдаан уламжлалт соёл мөн үү? Энэ үеэр хүүхдийн […]

Ахмадын тэтгэврийн зээлийн талаар Санхүү, эдийн засгийн их сургуулийн Экономиксийн тэнхимийн профессор Ц.Батсүхээс тодрууллаа. Тэрбээр ахмадуудын зээлийн хугацааг сунгаж, хүүг бууруулахыг арилжааны банкуудаас шаардах нь төрийн хийх ажил биш гэдгийг тодотголоо. -Ахмадуудын тэтгэврийг зээлээр олгож байгаа талаар та ямар байр суурьтай байдаг вэ? -Ахмадууд тэтгэврээ зээлээр аваад ихэнхдээ хүүхдүүдийн ямар нэгэн төлбөр, машин унаа авахад […]

Тэтгэвэр авч байгаа ахмадуудын 60% нь тэтгэврийн зээлтэй. Тэдгээр ахмадын 70 хувь нь 800 мянга хүрэхгүй тэтгэвэртэй байна. Энэ зээл чухам юунд зарцуулагддаг вэ гэдгийг тодорхойлж гаргасан судалгаа одоогоор байхгүй. Хамгийн сүүлд 2022 онд Фридрих-Эбертийн сангаас 2022 онд хийсэн “Ахмад настны нийгэм, улс төрийн оролцоо” сэдэвт судалгаанд ахмадуудын талаас илүү хувь нь тэтгэврийн зээлтэй бөгөөд […]

Нийслэлийн Засаг дарга Б.Пүрэвдагва энэ оны зургаадугаар сарын 2-нд А/820 дугаар захирамж гаргаж, цахилгаан скүүтер, мопедын түрээсийн үйлчилгээтэй холбоотой өмнөх А/387, А/552 дугаар захирамжуудыг хүчингүй болгожээ. Энэ нь Авлигатай тэмцэх газар (АТГ)-аас нийтийн эзэмшлийн талбайд үйл ажиллагаа явуулж буй цахилгаан скүүтер, мопедын түрээсийн үйлчилгээ нь эрх зүйн зохицуулалтгүй, иргэдийн амь нас, эрүүл мэнд, аюулгүй байдал […]

Жижиг, дунд үйлдвэрийн газар хэвлэл мэдээллийн 10 байгууллагатай 1.78 тэрбум төгрөгийн гэрээ байгуулсан баримт цахим орчинд ил болоод буй. Уншигчаас ирсэн хүсэлтийн дагуу уг гэрээнд багтсан хэвлэл мэдээллийн байгууллагуудыг нягталж өгөх хүсэлт ирсний дагуу нягталлаа. Factcheck: Шилэн дансанд байршуулсан энэхүү гэрээ нь “Шинэ хоршоо хөдөлгөөний бодлого, шийдвэр, тэдгээрийн хэрэгжилт болон цаг үеийн шинжтэй мэдээ, мэдээллийг […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх