Англи улс хүүхдүүдэд Pfizer хийхийг хориглосон – ХУДАЛ

Товч агуулга

Англи улс хүүхдүүдийг дархлаажуулах бодлогодоо өөрчлөлт оруулаагүй.

Эрсдэлт бүлэгт хамаарахгүй ч 2022.08 сарын сүүлчээр 5 нас хүрсэн болон 11 хүртэлх насны бүх хүүхдийг вакцинд сайн дураар хамрагдахыг Англи улс одоо ч зөвлөсөн хэвээр байна.

Хүүхдүүд бүүстер тунд ч хамрагдах боломжтой байна.



“Их Британи 12-ос доош насны хүүхдүүдэд КОВИД-19-ийн вакцин хийхийг хориглосон” гэсэн мэдээлэл The Counter Signal, Clark Country Today зэрэг сайтуудаар гарсан нь цахим сүлжээнд тархжээ.

Энэ нь вакцины сөрөг нөлөөний улмаас хориглосон гэсэн ойлголтыг олон нийтэд өгсөн тул FullFact.org-ийн баримтыг нягтлагчид нягталж, ТАШАА мэдээлэл болохыг баталгаажуулсан байна.

Factcheck:

2022.09.01-нээс хойш 5 хүртэлх насны, тодорхой эрсдэлт бүлэгт багтсан, эсвэл дархлаа суларсан хүнтэй ойр харьцсан хүүхдүүдийг вакцинд хамруулахаар болоод буй. Гэхдээ энэ нь 5-11 насны, 2022.08 сарын сүүлчээр 5 нас хүрч байгаа, өндөр эрсдэлтэй биш вакцинд хамрагдах бодлогод өөрчлөлт орсон гэсэн үг биш юм.

Өөрөөр хэлбэл, Их Британид энэ насныхныг өнөөдрийг хүртэл вакцинд хамруулж байгаа ба хориглосон ямар нэгэн шийдвэр гараагүй байна.

Иймд FullFact.org-ийн баримт нягтлагчид The Counter Signal сайттай холбогдоход нийтлэлээ залруулж, “хориглосон” гэсэн үгээ авсан ч “дуусгаж байна” хэмээн сольжээ. Тиймээс уг мэдээлэл олон нийтийг ТӨӨРӨГДҮҮЛСЭН хэвээр үлдсэн төдийгүй цааш түгсээр, бусад орны хүмүүст ч хүрсээр байна.

Засгийн газарт дархлаажулалтын талаар зөвлөгөө хүргүүлдэг Вакцинжуулалт, дархлаажуулалтын хамтарсан хорооноос 2021.12 сард эмнэл зүйн эрсдэлт бүлгийн 5-11 насны хүүхдүүдийг Pfizer вакцины 10 микрограмм бүхий хоёр тунд хамруулахыг зөвлөжээ. Энэ нь Ковид-19-ийн ирээдүйн давалгаанаас урьдчилан сэргийлэх зорилготойг тайлбарлажээ.

Хэдийгээр эрсдэлт бүлэгт хамаарахгүй ч 2022.08 сарын сүүлчээр 5 нас хүрсэн, 5-11 насны бүх хүүхдүүдийг вакцинд сайн дураар хамрагдахыг Англи улс одоо ч зөвлөсөн хэвээр байна.

Их Британийн Эрүүл мэндийн аюулгүй байдлын албаны Ковид-19 вакцин, тархвар судлал хариуцсан дэд захирал Гэвин Дабрера “5-11 насны хүүхдэд зориулсан Ковид-19 вакцины хөтөлбөрт ямар нэгэн өөрчлөлт ороогүй байна. 2022.02 сард JCVI эмнэл зүйн эрсдэлт бүлэгт хамааралгүй 5-11 насны хүүхдүүдэд зориулсан нэг удаагийн, яаралтай бус зөвлөмжийг гаргасан” хэмээн FullFact.org-т тайлбар өгчээ.

Түүгээр зогсохгүй хүүхдүүд бүүстер тунд ч хамрагдах боломжтой байна.

Өөрөөр хэлбэл, Англи улс 5-11 насны хүүхдүүдэд КОВИД-19-ийн вакциныг хориглосон гэдэг нь олон нийтийг төөрөгдүүлсэн ТАШАА мэдээлэл байна.

Эх сурвалжууд:

https://www.nhs.uk/conditions/coronavirus-covid-19/coronavirus-vaccination/coronavirus-covid-19-vaccination-for-children/coronavirus-covid-19-vaccine-for-children-aged-5-to-15/

https://www.gov.uk/government/publications/jcvi-update-on-advice-for-covid-19-vaccination-of-children-aged-5-to-11/jcvi-statement-on-vaccination-of-children-aged-5-to-11-years-old#fn:1

https://www.gov.uk/government/publications/jcvi-update-on-advice-for-covid-19-vaccination-of-children-and-young-people/jcvi-statement-on-covid-19-vaccination-of-children-and-young-people-22-december-2021

https://fullfact.org/health/covid-vaccine-children-5-11/

НҮБ-ын Хүүхдийн Сангийн дэмжлэгтэйгээр бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

Фэйсбүүк дэх “1072 huvitsaa” гэх хаягт нэгдүгээр сарын

Товч агуулга mRNA болон уламжлалт вакцин аль аль нь тухайн өвчнийг үүсгэхгүй, халдвар тээгч болохгүй, зөвхөн биеийн дархлааны хариу урвалыг өдөөдөг. Хүүхэд байхдаа хийлгэдэг товлолт вакцинуудын үр дүнд жил бүр 4 сая хүний амь аврагддаг. КОВИД-19 вакцины үр дүнд жилд 14.4 сая хүн нас барахаас сэргийлсэн. 5-11 насныхныг 22,521,778 тунгаар дархлаажуулахад миокардитийн 23 баталгаажсан тохиолдол […]

Хөгжлийн банкнаас зээл авсан “Мон цемент” компани үйлдвэрээ улсын комисст хүлээлгэн өгөөгүй гэсэн мэдээлэл гарсан. Тодруулбал, Zarig.mn сайт 2022.02.19-нд “Мон цемент, МАК цементийн үйлдвэрүүдийг улсын комисст хүлээлгэж өгөөгүйн цаад шалтгаан” гэсэн гарчигтай мэдээ нийтэлжээ. Уг мэдээнд “Монполимет ХХК болон МАК цемент ХХК-ийн төслүүд амжилттай хэрэгжсэн ч тэд барьсан үйлдвэрээ улсын комисст хүлээлгэж өгдөггүй гэх мэдээлэл […]

“Шинэ вирус Лямбда нь Дельтагаас 2 дахин аюултай Сэрэмжлүүлж байсан “супер мутант” мөн, 3 аюултай мутант нийлэгжжээ. ЭМЯ ард түмэн тэмцэлд бэлэн байх ёстой Зайнаас ч халдварлана Яаралтай Спутник, ганц аврал!” гэсэн мэдээллийг Tserenkhuu Ishtseden хэмээн фэйсбүүк хэрэглэгч постолжээ. Түүний постыг 157 хүн шэйрлэж, 1К хүн лайк дарсан байна. Уг мэдээллийг нягталлаа. Factcheck: COVID-19 цар […]

Товч агуулга: ОХУ-ын эхлүүлсэн дайнтай зэрэгцээд тус улсын суртал ухуулга цахим орчныг дамжин дэлхийн нийтийг хэрж байгаа билээ. Монгол Улсын хувьд Оросын хуурамч мэдээлэл, пропаганда цахим орчинд мөн идэвхтэй явсныг Эрэн Сурвалжлах Сурвалжлагчдын Төлөө Төв(MCIR)-ийн хийсэн мониторингийн судалгаа харуулав. Анх 2022 оны гуравдугаар сард ОХУ Украин руу дайн хийсний дараа MCIR цахим орчин болон мэдээллийн […]

Товч агуулга ОХУ-ын Батлан ​​хамгаалах яам болон бусад өндөр албан тушаалтнууд Украины нутаг дэвсгэрээр дайран өнгөрч буй автомашины дүрс бичлэгт хоёр хүнийг үхсэн украинчуудын дүрд тоглуулан харуулсан байна. Тэд Telegram болон Twitter дээр энэ тухай мэдээлэхдээ нэг хүн гараа хөдөлгөж байхад нөгөө хүн машины толинд сууж байгаа дүрс бичлэгийг харуулсан гэж нийтийг төөрөгдүүлжээ. Энэ үеийн […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх