Улаанбадрах сумын эмнэлэгт хүүхэд яагаад төрдөггүй вэ?

Хадбаатар Бат-Ялалт гэх фэйсбүүк хэрэглэгч 2021.12.18-ны өдөр “Дорноговь аймгийн Улаанбадрах сумын эмнэлэгт хүүхэд төрдөггүй гэх юм. Ямар учиртай болохыг мэдэх хүн байна уу?” гэсэн пост оруулжээ.

68 хүн лайк дарсан уг постын доорх сэтгэгдлүүдийн дийлэнх нь тус сумынхныг уранаас болж хордсон гэсэн сэтгэгдлүүдийг бичжээ.

Уг мэдээллийг нягталж өгөх хүсэлт ирсний дагуу FactCheck.mn нягталлаа.

Factcheck:

Дорноговь аймагт төрөлт нэмэгдсэн гэсэн статистик байна. 2020 онд 1,455 эх амаржсан нь өмнөх оноос 104-өөр өссөн үзүүлэлт юм.

Тус аймагт 2021 оны эхний 11 сарын байдлаар 1,335 ээж амаржсаныг Дорноговь аймгийн Эрүүл мэндийн газрын дарга Г.Энхцэцэг хэлэв.

Улаанбадрах сумын хувьд мөн сүүлийн жилүүдэд төрөлт нэмэгдэж байгаа аж. Тухайлбал, 2020 онд 28 эх аймгийн төвд ирж амаржсан бол 2021 оны эхний 11 сарын байдлаар 33 эх ирж, эсэн мэнд амаржсан байна. Тус сумын хүн ам 2019 онд 1,479 байсан бол 2020 онд 1,509 болж мөн өсжээ.

Тус аймаг эхийн эндэгдлийг бууруулах стратегийн хүрээнд 2005 оноос эхлэд жирэмсэн ээжүүдээ аймгийн төвийн эмнэлэгтээ, нарийн мэргэжлийн эмчийн хяналт дор амаржуулах ажлыг эхлүүлж, өнөөдрийг хүртэл хэрэгжүүлж байгааг Дорноговь аймгийн Эрүүл мэндийн газрын Эх барих тусламж үйлчилгээ, цус цусан бүтээгдэхүүн хариуцсан мэргэжилтэн Д.Наранцэцэг ярилаа.

Иймээс дээрх пост нь иргэдийг төөрөгдүүлсэн агуулгатай байна.

Төстэй мэдээлэл

Ташаа

Монголын бүх иргэд дансаар орсон мөнгөнөөсөө 1% татвар төлнө-ТАШАА

Р. Оюунцэцэг
2023-12-11

“Иргэн хувиараа бизнес эрхэлдэг та 2024.01.01 нээс АЛДАГДАЛТАЙ ажилласан ч та татвар төлнө, монголын бүх иргэд дансаар орсон мөнгөнөөсөө 1 хувийн татвар төлнө, чөлөөт цагаараа фитнест явж, хамт олноороо дуулах хоол идэх эргүй боллоо нийслэл хотын татвар 2 хувь болж нэмэгдлээ, одоо төлдөг төлбөрөө 2 дахин нэмж төлнө гэсэн үг үү……😪😪🫨🫨😦” гэсэн агуулгатай пост цахим […]

Худал

С.Одонтуяа: Хоёр эхнэртэй болох асуудлаар дахин санал оруулах хэрэгтэй – ХУДАЛ

Фэйсбүүкт Anna Sue гэх хаягнаас “С.Одонтуяа: Хоёр эхнэртэй болох асуудалаар дахин санал оруулах хэрэгтэй. Учир нь??” гэх гарчигтай мэдээг шэйрлэжээ. Уг мэдээлэлд 96 хүн хариу үйлдэл үзүүлж, 11 хүн хуваалцаж, 45 хүн сэтгэгдэл бичжээ. Уг мэдээнд “Гэр бүлийн тухай хуулийн 4.2.2.Монгол Улсад эрэгтэй хүн хууль ёсны нэг эхнэр эмэгтэй хүн хууль ёсны нэг нөхөртэй байна […]

Худал

Англид КОВИД-19-ийн вакцин хийлгэсэн хүүхдүүд нас барах магадлал 4423% өндөр байна – ХУДАЛ

Товч агуулга COVID-19-ийн вакцин нь хүүхдийн эндэгдлийг нэмэгдүүлдэг гэсэн нотолгоо байхгүй. Их Британийн Үндэсний статистикийн газраас мэдээлснээр вакцины сөрөг нөлөөний улмаас 20-оос доош насны нэг хүн нас баржээ. Блогт өгөгдлийг контекстээс хасаж, COVID-19-ийн олон удаа вакцин хийлгэсэн өгөгдлийн багц мэдээлэл дэх хүүхдүүдийн ихэнх нь эрүүл мэндийн нөхцөл байдлаас шалтгаалан нас барах эрсдэл өндөртэй байгааг орхигдуулсан. […]

Хөхний сүүгээр дамжин нялх хүүхдүүд вакцинд хордож байгаа юу?

Товч агуулга Зургаан сартайгаас доош насны хүүхдийг ээж нь вакцин хийлгэсний дараах эхний 48 цагт хөхүүлэхдээ болгоомжтой байхыг судлаачид сануулаад судалгааны үр дүнд вакцинжуулалт нь аюулгүй байсан гэдгийг хэлжээ. Аль нэг вакцин нь хөхөөр хооллож буй нярай хүүхдэд хор хөнөөл учруулдаг гэсэн нотолгоо байхгүй. Вакцин нь эхчүүдийн хөхний сүүнд коронавирус буюу SARS-CoV-2-ыг таньдаг эсрэгбие, тэр […]

Factcheck: Ерөнхий сайд асан С. Батболдтой холбоотой шүүхийн эргэн тойронд

Монгол Улсын Ерөнхий сайд асан, УИХ-ын гишүүн С.Батболдыг Эрдэнэт болон Оюутолгойтой холбоотойгоор Монгол Улсад 400 сая ам.долларын хохирол учруулсан гэж АНУ-ын шүүх хэрэг нээсэн тухай мэдээлэл 2020 оны арванхоёрдугаар сарын эхээр гаднын зарим сайтаар гарч эхэлсэн бөгөөд үүний дараа С.Батболд өөрөө мөн тайлбар ярилцлага өгсөн билээ. Энэ хэрэгтэй холбоотой олон нийтийн сүлжээгээр явж буй зарим […]

Зөвхөн 2023 онд 5 залуу цэрэгт яваад амиа алдаад байна

Зэвсэгт хүчний 326 дугаар ангид алба хааж байсан байлдагч арваннэгдүгээр сарын 12-13-нд шилжих шөнө амь насаа алдсан харамсалтай хэрэг гарлаа. Нийслэлийн хэмжээнд 2023 оны хоёрдугаар ээлжийн цэрэг татлагыг аравдугаар сарын 19-22-нд зохион байгуулсан. Гэвч цэрэгт татагдаад сар ч болоогүй 20 настай хүү амиа алдсан нь Монголын Зэвсэгт Хүчин иргэнийхээ эрүүл, аюулгүй амьдрах эрхийг ноцтой зөрчсөн […]

Өөр мэдээ олдсонгүй.