ОМИКРОН нэмэлт тун хийлгэсэн хүнд шууд халдаж байгаа – НОТЛОГДООГҮЙ

Tserenkhuu Ishtseden хэмээх фэйсбүүк хэрэглэгч 2021.11.28-нд КОВИД-19-ийн Омикрон хувилбарын талаар нэгэн пост оруулжээ.

Уг постод “ОМИКРОН 1 тунтай хүнд гайгүй 2 тунтай хүнд амархан …тунтай хүнд шууд халдаж байгааг ИхБританы эрдэмтэд нотлолоо Хүмүүс айдаст автаж эхэллээ СУПЕР ГЕНТЭЙ ЛАНДШАФТ ДАРХЛААТАЙ монголчууд торойгоод үлдэнэ” гэснийг 794 хүн шэйрлэж, 1.3К хүн лайк дарсан байна.

Уг мэдээллийг нягталлаа.

Factcheck:

Өмнөд Африкийн Бүгд Найрамдах Улсад илэрсэн коронавирусийн шинэ хувилбарыг ДЭМБ 2021.11.24-нд бүртгэсэн ба аюултай ангилалд оруулж, Омикрон хэмээн нэрлэх шийдвэрийг 2021.11.27-ны өдөр буюу гурав хоногийн өмнө гаргасан.

ДЭМБ-ын дэргэдэх бие даасан шинжээчдээс бүрдсэн КОВИД-19-ийн вирусийн хувьслыг судалдаг зөвлөх хороо хуралдаж уг мутацыг одоогоор судалж байгааг мэдэгдсэн. Өөрөөр хэлбэл, Омикрон хувилбар бүрэн судлагдаагүй, вакцины хэдэн тунтай хүнд хэрхэн нөлөөлж байгаа нь тодорхойгүй, нотлогдож амжаагүй байна.

The Guardian-ы мэдээлснээр Их Британийн эрдэмтэд уг мутацын халдвараас сэргийлэхийн тулд дархлаа сэргээх тунд хамрагдахыг зөвлөжээ. Тус улсын Бристолын их сургуулийн вирусологич, профессор Дэвид Мэтью “Хэрэв та вакцины хоёр тунтай, эсвэл Дельта вирусийн халдвараар өвдөөд эдгэсэн бол таны дархлаа ямар ч вирусийн эсрэг ажиллана” гэсэн бөгөөд харин вакцинд хамрагдаагүй хүмүүс хамгийн их санаа зовоож байгааг хэлжээ. Тэрбээр “Энэ хувилбар Дельтагаас илүү халдварлах чадвар өндөртэй гэж үзэж байгаа тул вакцинд хамрагдаагүй хүмүүст илүү халдварлаж, эмнэлэгт хэвтэхэд хүргэх буюу нийгмийн эрүүл мэндийн системд ихээхэн дарамт учруулахаар байна” гэжээ.

Монголчуудын хувьд бусад хүмүүсээс өөр дархлаатай эсэх талаар АШУҮИС-ийн Дархлаа судлалын тэнхимийн ахлах багш, эмнэл зүйн дархлаа судлаач эмч, Анагаах ухааны доктор Т.Хонгорзул “Монгол хүнд дэлхийн бусад орны хүн амаас ялгарах онцлог дархлаа гэж байхгүй. Харьцангуй эрүүл хүний халдварын эсрэг өрнөх дархлааны хариу урвалын хүч, эрчим ойролцоо байдаг. Өөрөөр хэлбэл, хүний дархлаа тогтолцоо ижил эрхтнүүдээс, ижил эсүүдээс тогтдог.

2020 онд хийсэн бидний судалгаагаар харьцангуй эрүүл бүлэг хүн амын дархлааны эсийн дундаж тоог газарзүйн байршлын хувьд нэг бүсэд хамаарах Ази тивийн зарим улсын судалгааны үр дүнтэй харьцуулахад монгол хүний дархлааны эсийн үнэмлэхүй тоо ба эзлэх хувь, солонгос ба хятад хүмүүсийн дундаж үзүүлэлттэй ойролцоо түвшинд тодорхойлогдсон.

Мөн олон үндэстний төлөөлөл бүхий сайн дурынхныг хамруулж, Сингапур улсад хийсэн судалгааны дүнтэй харьцуулахад монгол хүний B лимфоцитийн дундаж тоо ба эзлэх хувь бага, Т лимфоцитийн дундаж тоо ба эзлэх хувь ижил түвшинд тодорхойлогдсон” гэсэн тайлбар өглөө.

Тиймээс дээрх мэдээлэл нь олон нийтийг төөрөгдүүлсэн, баталгаагүй мэдээлэл байна.

КОВИД-19-ийн цар тахлын энэ үед вакцинтай холбоотой аливаа мэдээллийг албаны, баталгаатай эх сурвалжаас авч, үргэлж нягталж байхыг FactCheck.mn анхааруулсаар байна.

Эх сурвалжууд:

https://www.who.int/news/item/26-11-2021-classification-of-omicron-(b.1.1.529)-sars-cov-2-variant-of-concern

https://www.theguardian.com/world/2021/nov/28/what-does-appearance-of-omicron-mean-for-the-double-jabbed

НҮБ-ын Хүүхдийн Сангийн дэмжлэгтэйгээр, АШУҮИС-ийн Дархлаа судлалын тэнхимийн ахлах багш, эмнэл зүйн дархлаа судлаач эмч, Анагаах ухааны доктор Т.Хонгорзултай хамтран бэлтгэв.

Энэ зургийн alt аттрибут хоосон байна. Нэр нь - unicef-japan-gov-1024x576.png
Төстэй мэдээлэл

МУБИС-ийн хоёр оюутнаас халдвар илэрч, зургаан оюутан халуурч байгаа талаар олон нийтийн сүлжээ, зарим хэвлэл мэдээллийн байгууллагууд мэдээлээд байна. Тэгвэл энэ нь худал болохыг Засгийн газар, УОК-ын хэвлэлийн төлөөлөгч Ц.Ганзориг мэдэгдлээ. Тэрбээр “Буруу ташаа, албан бус мэдээлэл түгээж байгаа зарим хэвлэлийн мэдээг залруулж байна. Яаран нягтлаагүй мэдээллийг түгээх нь цар тахлаас урьдчилан сэргийлэхэд нэмэр болохгүй” […]

Үндэсний их баяр наадмын тухай хуульд нэмэлт, өөрчлөлт оруулах тухай хуулийн төслийг өнгөрсөн тавдугаар сард УИХ-ын гишүүн Х.Болорчулуун, Б.Саранчимэг, Ж.Ганбаатар, Ж.Бат-Эрдэнэ нар УИХ-д өргөн бариад байсан. Улмаар арванхоёрдугаар сарын 4-ний өдрийн Байнгын хорооны хуралдаанаар уг хуулийн төслийг дэмжин УИХ-аар хэлэлцүүлэх болсон юм. Өмнө нь Засгийн газрын тогтоолоор өвлийн улиралд морь уралдуулахыг хориглосон хэдий ч уг […]

Цахим орчинд “Дорнодын хилийн заставыг 40 км дотогш татсан нь цаашдаа хоёр улсын хилийн заагийг мөн ингэж тогтоох урьдчилсан нөхцөлийг хангаж өгчээ” гэсэн мэдээлэл гарсан. Энэ мэдээлэл үнэн эсэхийг нягтлах хүсэлт factcheck.mn сайтад ирсний дагуу нягталж шалгав. Монгол Улсын хил хамгаалах газраас энэ талаар тодруулахад “Хилийн заставт өөрчлөлт оруулсан зүйл байхгүй. Энэ мэдээлэл дөрвөн жилийн […]

Ерөнхий сайд асан, МАН-ын дарга У.Хүрэлсүхийн талаарх нэгэн бичвэр цахим орчинд гарсан. Өнгөрсөн хугацаанд түүнийг Ерөнхий сайдаар ажиллаж байхдаа хийсэн ажлуудыг нэгтгэсэн бичвэрт 904 хүн хариу үзүүлж, 724 хүн бусадтай хуваалцаж, 425 хүн сэтгэгдэл бичжээ. Уг бичвэрт гарч буй мэдээллийг нягталлаа. Factcheck: Тэр хүүхдүүдэд 283 цэцэрлэг барьсан – ХУДАЛ У.Хүрэлсүх Монгол Улсын 2021 оны нэгдсэн […]

Цар тахлын хүнд үед хүн бүрийн данс руу 20,000 төгрөг хийх тухай “МАХН албан ёсны хуудас” нэртэй пэйжид оруулсан постыг 3.1 мянган хүн шэйрлэжээ. Тодруулбал, “Сайн байцгаана уу Энэ хүнд цар тахлын үеэр боломжийг атгах хүн бүрт туслаахаар боллоо. Хүн Бүрийн данс руу 20000 Төгрөг хийхээр боллоо Та Манай Махн албан ёсны хуудсыг дарж нэгдээд […]

Коронавирусийн халдвараас урьдчилан сэргийлэх талаар УИХ-ын дарга Г.Занданшатар олон нийтийн сүлжээнд зөвлөмж түгээжээ. Түүний өгсөн зөвлөмжид 1200 хүн талархаж, 11 мянган хүн хуваалцжээ. Уг зөвлөмж дэх заалтууд үнэн эсэхийг нягтлуулах хүсэлт уншигчаас ирсэн тул нягталлаа. 1. Коронавирус 400-500 нм диаметр – ХУДАЛ Factcheck: Халдвар авсан хүмүүс найтаах, ханиах зэрэгт вирусийн бичил дусал гадаргуу дээр хүрэх, эсвэл ширээ, […]

Өөр мэдээ олдсонгүй.

Хандив

FactCheck.mn сайт нь бие даасан, хараат бус редакц бөгөөд бид сурталчилгаа олгогчдод биш, иргэдэд үйлчилдэг. Бид аливаа компани, улстөрч, засгийн газрын нөлөөнд автахгүй, зөвхөн олон нийтийн эрх ашгийн төлөө ажиллана.

Гэвч нягтлан шалгах ажил нь цаг, мөнгө, шаргуу хөдөлмөр шаарддаг билээ.

Иймд, манай редакц хараат бус байдлаа хадгалж, илүү хүчтэй болоход таны дэмжлэг чухал юм!

Та бидний үйл ажиллагааг дэмжиж байвал ХАС БАНК 5001984178 ЭССТ НҮТББ дансаар хандив өгөх боломжтой. Гүйлгээний утган дээрээ ХАНДИВ гэдгээ тодорхой бичээрэй. Хүсвэл нэр, холбогдох утасны дугаар зэрэг хувийн мэдээллээ оруулж болно.

Биднийг дэмжсэн танд маш их баярлалаа.

Мэдээлэл хайх