Манай орон хүйтэн байгаа учраас гадаад орчинд вирус амьдрах нөхцөл байхгүй - НОТЛОГДООГҮЙ

Манай орон хүйтэн байгаа учраас гадаад орчинд вирус амьдрах нөхцөл байхгүй – НОТЛОГДООГҮЙ

admin
2020-11-24
Ковид-19

ЭМЯ-ны 2020 оны арваннэгдүгээр сарын 22-ны 17:00 цагийн ээлжит хурлын үеэр ЭМЯ-ны хэлтсийн дарга Д.Нарангэрэл “Коронавирус бохирдсон орчинд 3-72 цаг байдаг гэсэн ДЭМБ-ын болон олон улсын эрдэмтдийн судалгаа байгаа. Одоо манай оронд хүйтэн байгаа учраас гадаад орчинд вирус амьдрах нөхцөл байхгүй. Зөвхөн дотоод бохирдсон орчин, цаас, гадаргуу зэрэг дээр 3-72 цаг амьдрах чадвартай. Иймээс ЭМЯ дотоод орчны цэнвэрлэгээ халдвагүйтгэлийг байнга хийх ёстой гэдгийг зөвлөж байна” гэсэн юм.

Түүний хэлсэнчлэн хүйтэн болсон тул коронавирус гадаад орчин амьдрах чадваргүй болдог гэсэн мэдээллийг бид нягталлаа.

Коронавирусийн болон бусад халдварыг хүйтэн уур амьсгал устгадаг ямар нэгэн шалтгаан байхгүй гэдгийг ДЭМБ мэдээлжээ.

Түүнчлэн хамгийн чухал нь гадаах орчны температур хэд байхаас үл хамааран хүний биеийн дулаан 36.5-27 градус байдаг. Тиймээс коронавирусийн халдвараас өөрийгөө хамгаалах хамгийн үр дүнтэй арга нь гараа тогтмол савандаж угаах, спиртэн суурьтай ариутгагчаар ариутгах юм хэмээн ДЭМБ зөвлөжээ.

Ийнхүү ДЭМБ-ын зөвлөгөөтэй нийцэхгүй байгаа тул 2020.11.24-ний 11:00 цагийн ЭМЯ-ны ээлжит мэдээллийн үеэр тус яамны хэлтсийн дарга Д.Нарангэрэлээс “Өмнө нь та коронавирусийн халдвар хүйтэн агаарт байхгүй гэж хэлсэн. Коронавирусийн халдвар хүйтэн агаарт байхгүй, халдвар тархаахгүй гэсэн үг үү” хэмээн тодруулж асуухад тэрбээр

“Хамгийн гол нь хаана үржих вэ гэдэг дээр ярьсан. Битүү, агаар муутай орчинд вирус үрждэг. Үүнийг олон судалгаа харуулж өгч байгаа. Дөрөвдүгээр сарын дундуур БНСУ-ын караоке, баартай холбоотой өвчлөлүүд гарсан. Мөн манай оронд гарсан сүүлийн өвчлөлүүдийн зарим тохиолдлууд караокетэй холбоотой байгаа. Мөн дэлхий дахины олон судалгаа байна. Хүргэх үйлчилгээтэй, битүү, агаар муутай орчинд хадгалагдаж байсан сав, баглаа, боодлыг хадгалж байгаад энэнээс болж БНСУ-д өвчлөл гарсан тохиолдол байгаа. Ийм учраас бид агаарын солилцоог байнга хийх гэдгийг хэлсэн. БНХАУ-ын талаар олон судалгаа хэлж байсан. Гаднын орноос ирсэн хөлдөөсөн загас, хөлдөөсөн махны хайрцган дээрээс коронавирус илрүүлсэн.

Миний хэлсэн утга бол манай оронд гадаа ийм хүйтэн байгаа учраас гадаад орчин буюу агаарт коронавирус байх тохиолдол байхгүй. Энэ бол 2, 3 эрдэмтний хэвлэгдсэн судалгаан дээр байгаа. Харин дотоод орчинд, гадаргуу дээр, бохирдсон орчинд илүү байдаг гэдэг утгаар нь хэлсэн юм” хэмээн хариуллаа.

Дээр дурдсанчлан ДЭМБ коронавирусийг ямар ч цаг агаар дамжин халдварлаж болох бөгөөд хүйтэн цаг агаар үүнийг устгана гэж үзэх үндэслэлгүй гэж мэдэгдсэн.

Тэгвэл НҮБ-ын Эрүүл мэндийн агентлаг вирус голчлон хүнээс тархдаг болохыг мэдэгджээ. Бороо, цас аливаа гадаргуу дээрх вирусийн ул мөрийг сулруулж болох ч гадаргуугаас дамжих нь цар тахлын гол шалтгаан гэж тооцогддоггүй. Харин хүний хөл хөдөлгөөн ихтэй газар вирус илүү амархан тархдаг бөгөөд хүйтэн цаг уурын гол нөлөө нь хүйтний эрч чангарахад хүмүүс гэртээ үлдэх магадлал өндөр байдагт оршинo гэдгийг эрдэмтэд хэлжээ.

ДЭМБ болон бусад байгууллага агааржуулалт муутай битүү орчинд халдвар дамжих нь илүү хялбар болохыг анхааруулсан байна.

Нягталсан: Ц.Тамир

Төстэй мэдээлэл

Худал

Монгол моринд хүндэтгэл үзүүлж буй ЗХУ-ын 650 офицер гэх зураг ХУДАЛ

Р. Оюунцэцэг
2020-11-10

Монгол моринд хүндэтгэл үзүүлж буй ЗХУ-ын 650 офицер

Ташаа

Сахуу-Татран-Хөхүүл ханиад, В, А вирусний эсрэг вакцинд ХӨНГӨН ЦАГААН их илэрсэн-ТАШАА

Товч агуулга Хөнгөн цагааныг вакцины найрлагад нэмэлтээр ашигласнаар хүний дархлааны хариу урвалыг илүү сайжруулах нөлөөтэй. Вакцины найрлагад хөнгөн цагаан нэмэлтээр оруулснаар ямар нэгэн сөрөг нөлөө үзүүлдэггүй болохыг өнгөрсөн 60 жилийн судалгаа нотолно. Хүүхдийн товлолт вакцинуудын найрлагад кадми ордог талаар ямар нэгэн мэдээлэл алга. Вакцин аутизмтай холбоотой болох нь шинжлэх ухаанаар өнөөдрийг хүртэл нотлогдоогүй. Хэд хэдэн […]

Худал

КОВИД-19-ийн вакцин хүүхдүүдийн зүрхийг устгаж байна – ХУДАЛ

Товч агуулга Миокардит буюу зүрхний үрэвсэл хүүхдүүдэд маш ховор тохиолддог. Ялангуяа, вакцин хийлгэсний дараа маш ховор тохиолддог гаж нөлөө бөгөөд миокардитаар өвчилсөн хүмүүс хурдан эдгэрдэг байна. V-safe программаар дамжуулан вакцин эрүүл мэндэд нь ямар нэгэн байдлаар нөлөөлсөн гэж мэдээлсэн 4500-4600 хүүхдийн 1% нь л эмнэлгийн тусламж авах шаардлагатай байжээ. Судалгаагаар вакцин биш, харин КОВИД-19-ийн халдвар […]

Нотлогдоогүй

Factcheck: Ураны хайгуул мал аж ахуйд сөргөөр нөлөөлсөн нь тогтоогдоогүй

Цолмонбаатар Тамир
2024-12-11

Товч агуулга Цөмийн энергийн тухай хуульд нэмэлт, өөрчлөлт оруулах тухай УИХ-аар хэлэлцэх үеэр уран олборлохтой холбоотой зарим мэдээлэл олон нийтийн дунд эргэлзээ төрүүлээд буй. Тэдгээр мэдээллээс бид нягталлаа. Ураны хайгуул болон туршилт нь сум, орон нутгийн малчдын мал аж ахуйд сөргөөр нөлөөлсөөр байна. Малчдын амьдралын ганц эх үүсвэр нь тэдний мал сүрэг байдаг. Factcheck: Монголын […]

Унаач хүүхэд 3 м өндөрт хүчилтөрөгчийн давхар ислийг үнэртэх нь вакцин – ҮНДЭСЛЭЛГҮЙ

admin
2021-06-26
Ковид-19

Зургадугаар сарын 18-нд Монголын үндэсний бөхийн холбоо, Монголын морин спорт, уяачдын холбоо, Монголын үндэсний харваачдын холбоод хамтарсан мэдээлэл хийсэн юм. Энэ үеэр спортын сэтгүүлч, тайлбарлагч Монгол Улсын соёлын гавьяат зүтгэлтэн Л. Цагаандалай коронавирустэй холбоотой байр суурь хэлснийг нягталлаа. Тэрбээр “Тал нутагтаа морио уяад явж байгаа хүн бол вакцин гэж бичээд байгаа, өглөө бүхэн вакцин хийлгэж […]

Fact check: Хүүхдийн автобустай холбоотой мэдэгдлийг нягталж шалгав

Цолмонбаатар Тамир
2020-10-19

“Сургуулийн автобустай холбоотой хэвлэл мэдээлэл, олон нийтийн сүлжээгээр гарч буй буруу ташаа мэдээлэлтэй холбоотой” хэмээн тодотгоод “Моннис Моторс” ХХК хүүхдийн автобустай холбоотой мэдэгдэл гаргажээ. Уг мэдэглийг бид дараах байдлаар нягталлаа. Моннис: Нийслэл хотын хүн амын тоо сүүлийн жилүүдэд огцом өссөн нь боломжтой нэг нь хүүхдээ суулган хотын гудамд олон цагаар түгжрэн, боломжгүй нэг нь халтиргаа гулгаа, […]

Өөр мэдээ олдсонгүй.