М.Зоригт: ЭМЯ хөл хориог 14 хоног сунгах санал гаргасан

М.Зоригт: ЭМЯ хөл хориог 14 хоног сунгах санал гаргасан – ХУДАЛ

admin
2020-11-27
Ковид-19

УИХ-ын гишүүн асан М.Зоригт өөрийн твиттер хуудаснаа 2020 оны арваннэгдүгээр сарын 27-ны 18:55 цагт “ЭМЯ-наас хөл хориог 14 хоног сунгах санал гаргасан байна” хэмээн мэдээлжээ.

Бид энэхүү мэдээллийг үнэн эсэхийг холбогдох газруудаас тодрууллаа.

Улсын онцгой комисст энэ санал ирсэн эсэх талаар Шадар сайдын хэвлэлээс 21:27 цагт тодруулахад “Хөл хориог сунгах эсэх талаар бүх яамдаас санал авч байгаа. Одоогоор ЭМЯ-ны санал ирээгүй байна” гэлээ.

Харин Эрүүл мэндийн сайд Т.Мөнхсайханаас энэ асуудлаар 21:42 цагт тодруулахад “ЭМЯ саналаа өгөөгүй байгаа” гэсэн юм.

Өөрөөр хэлбэл УИХ-ын гишүүн асан М.Зоригтын “ЭМЯ-наас хөл хориог 14 хоног сунгах санал гаргасан байна” гэсэн мэдээллийг дээрх хоёр эх сурвалж үгүйсгэлээ.

Бүх нийтийн бэлэн байдлын зэрэгт шилжүүлсэн хугацаа арванхоёрдугаар сарын 1-ний өдрөөр дуусгавар болно. Энэ хугацааг сунгах эсэх шийдвэр гараагүй байгаа бөгөөд эрсдлийн үнэлгээг хийсний дараа энэ долоо хоногийн сүүлээр эцсийн шийдвэр гарна гэдгийг Засгийн газрын Хэвлэл мэдээлэлтэй харилцах хэлтсийн дарга Ц.Ганзориг өчигдөр буюу арваннэгдүгээр сарын 26-ны өдөр мэдэгдсэн юм.

Нягталсан Ц.Тамир

Төстэй мэдээлэл

КОВИД-19-ийн вакцин вирусээс 2 дахин олон хүний аминд хүрсэн үү?

Товч агуулга Вакцин хийлгэсний дараа нас барсан хүмүүсийн

Худал

“PCR бол яг корона гэж илрүүлдэггүй гэж өчнөөн л эмч эрдэмтэд хэлж байна” – ХУДАЛ

Энигматик гэх твиттер хаягнаас PCR шинжилгээтэй холбоотой эргэлзээ төрүүлэхүйц мэдээллийг жиргэжээ. Уг жиргээнд “Урд нь ханиад хүрч өвдөөд эсрэг биет үүсэн тохиолдолд тэр PCR эерэг гардаг л гэнэ. PCR энэ бол яг корона гэж илрүүлдэггүй шинжилгээ гэж өчнөөн л эмч эрдэмтэд хэлж бн, битгий худал зүйлээр толгойгоо угаалгаач л гэе дээ лол” гэжээ. Энэхүү мэдээллийг […]

Covid-19-ийн тухай дуу бүтээсэн нь үнэн

“Монгол улс Корона вирусын тухай дуутай болсон гэж сонслоо. Энэ үнэн үү? Өвчин зовлонгоор дуу хуур хийгээд болж байгаа юм уу? Үүнийг шалгуулмаар байна.” гэсэн иргэний хүсэлтийн дагуу дээрх мэдээллийг нягталж шалгалаа. Ийм дуу зохиож дуулсан нь үнэн байна. Дууны клипийг Дорноговь аймгийн ЗДТГ-ын фейсбүүк хуудас өчигдөр буюу дөрөвдүгээр сарын 16-нд анх байршуулсан нь өнөөдрийн […]

FACTCHECK: Оросоос Монголд ногдуулдаг татварын хэмжээ

admin
2022-03-14
Бусад

ОХУ-д барууны орнууд эдийн засгийн хориг тавьж буйтай холбоотойгоор цахим сүлжээнд “Орос Монголд эдийн засгийн хориг арга хэмжээ авсантай адил байж”, “Оростой хийж буй худалдаа экспортын 1.3%, сүүлийн 20, 30-н жилийн гадаад худалдааны нийт алдагдал бараг ДНБ-тэй тэнцэнэ”, “Канад Орос, Беларусийн бараанд 35% ийн татвар нэмсэн нь Оросоос манайд ногдуулдаг татвараас даруй 2 дахин бага” […]

Худал

Д.Сумъяабазар: Согтууруулах ундаа борлуулахыг зөвшөөрсөн – ХУДАЛ

admin
2022-02-01
Улс төр

Өнөөдөр өглөө буюу 2022 оны 2-р сарын 1-ний 09:25 цагт твиттер хуудаст Д.Сумъяабазар (@ 118_Mugi) гэх хаягаас “Өглөөний мэнд. Сар шинийн баяр болж байгаа тул өнөөдөр дэлгүүр үйлчилгээний төвүүд бүх газраар архи согтууруулах ундаа худалдан борлуулах зөвшөөрөл өгсөн байгаа болно. Та бүхэн сар шинэдээ сайхан шинэлээрэй!” гэсэн жиргээг оруулжээ. Уг жиргээ нь хотын дарга Д.Сумъяабазарын […]

Нотлогдоогүй

Вакцин тариулсан залуус 5 жилийн дотор хүүхэдтэй болж болохгүй – НОТЛОГДООГҮЙ

Мягмаржав Чойсүрэн хэмээн фэйсбүүк хаягнаас “Вакцин тариулсан эрэгтэй, эмэгтэй залуус 5 жилийн дотор хүүхэдтэй болж болохгүй гэнэ. Энэ юу гэсэн үг вэ, үр удмыг таслах уу” гэсэн пост оруулжээ. Уг постыг 233 хүн цааш түгээж, 75 хүн сэтгэгдэл бичиж, 78 хүн лайк даржээ. Мягмаржав Чойсүрэнгийн түгээсэн мэдээллийг бид нягталлаа. Монгол Улс 2021 оны хоёрдугаар сарын […]

Өөр мэдээ олдсонгүй.