COVID-19 цар тахлын үед халдвараас сэргийлэх талаар янз бүрийн зөвлөгөө олон нийтийн сүлжээгээр явж буй. Гэвч тэдгээр мэдээлэл бүгд үнэн зөв эсэхийг нягталж байж мөрдөх шаардлагатай гэдгийг Factcheck.mn-ээс зөвлөж байна.
Цар тахлаас сэргийлэхтэй холбоотойгоор зарим мэдээллийг олон улсад хэдийн нягталсныг бид хүргэж байна. (Эх сурвалж: https://www.covid19factcheck.com/)
Ибупрофен COVID-19-ийн халдвартай хүний биеийн байдлыг улам дордуулдаг уу? – ҮГҮЙ
Ибупрофен коронавирусийн халдвартай хүний беийг байдлыг улам дордуулдаг гэх хангалттай судалгаа одоогоор байхгүй. ДЭМБ ибупрофеныг хэрэглэхгүй байхыг 2020 оны 3-р сарын 18-нд зөвлөсөн. Энэ нь өвдөлт намдаах Ацетаминофены төрлийн эм юм. АНУ-ын хоол, эмийн агентлаг эдгээр үрэвслийн эсрэг эм уух эмчтэйгээ ярилцахыг зөвлөсөн. Учир нь ходоод, гэдэсний өвчлөлд нөлөөлж болзошгүй гэж тэр. Тэр дундаа хамгийн санаа зовж байсан эрсдэл нь эмийн хэрэглээ ихдсэнээс элэгний үйл ажиллагаанд сөргөөр нөлөөлж болзошгүй хэмээн сэрэмжлүүлсэн. Тиймээс жорын дагуу хэрэглэхийг зөвлөсөн. Харин уг эмийн хэрэглээ нь коронавирусийн халдвартай хүний биеийн байдлыг дордуулдаг болох нь батлагдаагүй байна.
Гидроксихлорохин ба азитромицинээр өөрийгөө эмчлэх нь COVID-19-ээс урьдчилан сэргийлэх үү? – ҮГҮЙ
Өөрийгөө эмчлэх нь буруу юм. Зөвхөн эмчийн зөвлөсөн эмийг хэрэглэснээр эмчлэх боломжтой. Гидроксихлорохин болон хлорохиныг хумхаа болон чонон ярын үрэвсэл зэрэг бусад үрэвсэлт өвчнүүдийн үед зөвлөдөг. Азитромецитин нь зарим бактерийн халдварыг эмчлэхэд түгээмэл хэрэглэдэг антибиотик юм. Гидроксихлорохин ба азитромецитин аль аль нь зүрхний гаж нөлөөтэй холбоотой бөгөөд зүрхний хэмнэл алдагдахад хүргэдэг.
Антибиотикууд COVID-19-өөс сэргийлэх болон эмчлэхэд тустай юу? – ҮГҮЙ
Дэлхийн эрүүл мэндийн байгууллагын мэдээлснээр антибиотекийг вирусийн гаралтай бус, зөвхөн бактериар үүсгэгдсэн өвчний эмчилгээнд хэрэглэнэ. Антибиотек нь вирусийн гаралтай өвчнөөс урьдчилан сэргийлэхгүй, эмчлэхгүй. Хэдийгээр та коронавирусийн халдвар аваад эмнэлэгт хэвтсэн ч бактерийн гаралтай хавсарсан өвчтэй тохиолдолд танд антибиотик эмчилгээ хийж болно.
Би залуу учраас коронавирусийн халдвараас айх зүйлгүй – ҮГҮЙ
Шинэ төрлийн коронавирусээр ямар ч насны хүн өвчлөх боломжтой гэдгийг Дэлхийн эрүүл мэндийн байгууллага мэдээлсэн. Настай болон астма, чихрийн шижин, зүрх судасны эмгэг зэрэг суурь өвчтэй хүмүүс коронавирусийн халдвараар өвчлөх магадлал илүү өндөр. Тиймээс ДЭМБ коронавирусийн халдвараас хүн бүр өөрийгөө хамгаалах шаардлагатай гэдгийг тогтмол зөвлөж байгаа.
COVID-19-өөр нас барсан тохиолдлуудын дунд ямар нэгэн суурь өвчингүй залуу хүмүүс цөөнгүй байсан. Тиймээс хүн болгон өөрийгөө болон бусдын эрүүл мэндийг бодож халдвараас сэргийлэх шаардлагатай юм.
Бэлтгэсэн Ц.Тамир
