Засгийн газрын ордныг мөргөсөн жолооч цагдаа байсан гэдэг ХУДАЛ

Ц. Чимэддондог
2020-10-22

Өчигдөр буюу аравдугаар сарын 21-ний өдөр нэр бүхий сайтуудад Төрийн ордны баруун талын хашааг мөргөсөн осол гарсан бөгөөд жолооч нь цагдаагийн алба хаагч байсан талаар мэдээ гарсан.

Уг мэдээлэлд “Аравдугаар сарын 18-ны өдөр Засгийн газрын ордны баруун талын хашааг автомашинаар мөргөсөн тухай дуудлага цагдаагийн байгууллагад бүртгэгджээ. Дуудлагын дагуу хэргийг шалгахад, 25 настай М гэгч нь согтуурсан үедээ Toyota Marx-X маркийн автомашиныг жолоодож яваад, Төв шуудангийн уулзварын дунд байрлах түмб буюу зохицуулагчийн тавцанг мөргөж, тэрхүү тавцангаа түрж явсаар Засгийн газрын ордны баруун урд хашааг мөргөсөн байна. Түүнчлэн явган зорчигч болох 26 настай эрэгтэйг мөргөж, гэмтээжээ. Хэргийг Тээврийн цагдаагийн албаны Мөрдөн шалгах хэсэгт шалгаж байгаа ба хэрэг үйлдсэн этгээд нь өөрөө цагдаагийн алба хаагч байсан гэх эх сурвалжийн мэдээлэл байна” гэсэн байна.

Цагдаагийн алба хаагч холбогдсон гэх энэхүү мэдээллийг бид нягталлаа. Одоогоор цагдаагийн байгууллагын дотоод хяналт шалгалт хийж байгаа бөгөөд тухайн мэдээнд гарсан хоёр нөхцөл байдал худал болох нь тогтоогдоод байгаа аж.

Нэгдүгээрт, зам тээврийн ослын улмаас явган зорчигч болох 26 настай эрэгтэйг мөргөж, гэмтээсэн гэдэг нь худал аж. Тээврийн цагдаагийн албанд ирсэн дуудлагын дагуу шалгалт явуулахад ослын улмаас хүн мөргөж, гэмтээгээгүй болох нь тогтоогдсон байна.

Хоёрдугаарт, тухайн тээврийн хэрэгслээр дөрвөн хүн зорчин явсан бөгөөд жолооч нь цагдаа бус нэг зорчигч нь цагдаагийн алба хаагч байсан нь тогтоогджээ. Дотоод хяналт шалгалтаар тогтоосон нөхцөл байдлыг дурдвал “Засгийн газрын ордны баруун урд талын хашааг автомашин мөргөчихлөө” гэсэн дуудлага мэдээллийг 10 дугаар сарын 18-ны өдрийн 06:23 цагт цагдаагийн байгууллага хүлээн авсан байна. Ингээд шалгалтын ажиллагаа явуулахад 25 настай, хувийн байгууллагад менежер ажилтай А гэгч нь согтууруулах ундаа хэрэглэсэн үедээ тээврийн хэрэгсэл жолоодож, зам тээврийн осол үйлдсэн хэргийг Тээврийн цагдаагийн алба шалгаж байна. Тухайн тээврийн хэрэгсэлд цагдаагийн алба хаагч М нь хамт зорчиж явсан бөгөөд ажлын бус цагаар энгийн хувцастай явж байсан болох нь гэрчийн мэдүүлгээр тогтоогджээ.

Уг хэрэгтэй холбоотой гэрчийн мэдүүлэг болон камерын бичлэг байгаа бөгөөд хэдийгээр тухайн автомашинд цагдаагийн алба хаагч сууж явсан нь үнэн боловч, автомашиныг жолоодоогүй, явган зорчигчийг мөргөсөн зэрэг нь худал аж.

Мөн дээрх залруулгад дурдсанчлан тухайн тээврийн хэрэгсэлд зорчиж явсан цагдааг хэдийгээр ажлын бус цагаар, албаны хувцастай биш ч согтууруулах ундаа хэрэглэсэн, бусдыг хэрэг зөрчлөөс урьдчилан сэргийлээгүй гэдэг үүднээс ёс зүйн хариуцлага хүлээлгэх эсэх талаар дотоод албаны шалгалтыг явуулж байгаа юм байна.

2011 онд баталсан ЦАГДААГИЙН АЛБА ХААГЧИЙН ЁС ЗҮЙН ДҮРЭМ-д яг дээрх тохиолдолд хариуцлага тооцох зохицуулалт байхгүй бөгөөд 4.4.5. Ажлын байранд, ажлын цагаар, албан үүрэг гүйцэтгэж явахдаа болон дүрэмт хувцастай архи, согтууруулах ундаа хэрэглэхгүй байх талаар тусгажээ.

Ц.Тамир (MCIR)

Төстэй мэдээлэл

Худал

С.Одонтуяа: Хоёр эхнэртэй болох асуудлаар дахин санал оруулах хэрэгтэй – ХУДАЛ

Фэйсбүүкт Anna Sue гэх хаягнаас “С.Одонтуяа: Хоёр эхнэртэй болох асуудалаар дахин санал оруулах хэрэгтэй. Учир нь??” гэх гарчигтай мэдээг шэйрлэжээ. Уг мэдээлэлд 96 хүн хариу үйлдэл үзүүлж, 11 хүн хуваалцаж, 45 хүн сэтгэгдэл бичжээ. Уг мэдээнд “Гэр бүлийн тухай хуулийн 4.2.2.Монгол Улсад эрэгтэй хүн хууль ёсны нэг эхнэр эмэгтэй хүн хууль ёсны нэг нөхөртэй байна […]

Төөрөгдүүлсэн

Украины хэрэглэсэн вакцин манайтай адил, огт үр дүн өгөөгүй – ТӨӨРӨГДҮҮЛСЭН

@Batbold33455566 гэх твиттер хэрэглэгч “Дельтагийн дэгдэлтийн шинэ голомтоор Украиныг ДЭМБ тодрууллаа, прогноз тийм л байна. Украины хэрэглэсэн вакцин манайтай усны дусал шиг адилхан, барууны цөөн тооны вакцин за тэгээд жунгаа вакцинанд бүх нийтийг хамруулсан, огтхон ч үр дүнгээ өгөөгүй” гэсэн агуулгыг жиргэжээ. Уг жиргээг нягталлаа. Factcheck: Украин улсад COVID-19-ийн дельта хувилбарын анхны тохиолдол 2021.06.23-нд батлагджээ. […]

Худал

Factcheck: Монголбанк, Хөгжлийн банкны нэр ашигласан цахим залилангаас болгоомжил

Mongol International Trade гэсэн нэртэй фэйсбүүк хуудсыг нягталж

Ташаа

Нийслэлийн 36 агентлаг, үйлдвэр, төслийн дарга нарыг ажлаас нь чөлөөлсөн гэдэг ташаа мэдээлэл

Нийслэлийн удирдах ажилтны шуурхай зөвлөгөөн өнөөдөр 08:00 цагт товлогдож, өвөлжилтийн бэлтгэл ажлын талаар хэлэлцэх төлөвлөгөөтэй байв. Гэвч хурлын ирц хангалтгүй, маш олон газар, хөтөлбөрийн дарга ирээгүй тул хотын даргын үүрэг гүйцэтгэгч Ж.Батбаясгалан тэднийг чөлөөлж, хариуцлага тооцох талаар мэдэгдсэн юм. Тэрбээр: Авто замын газар Аялал жуулалчлалын газар Боловсролын газрын дарга Газрын албаны дарга Орон сууцны, дэд […]

Төөрөгдүүлсэн

Ажилгүй залууст 1 сая төгрөгийн тэтгэмж өгч эхэллээ – ТӨӨРӨГДҮҮЛСЭН

admin
2021-10-11
Бусад

2021 оны аравдугаар сарын 9-ний өдөр Miniih – Минийх нэртэй фэйсбүүк хуудаст “Ажилгүй залууст 1 сая төгрөгийн тэтгэмж өгч эхэллээ” гэсэн гарчиг бүхий мэдээллийг оруулжээ. Уг мэдээллийн доор хүмүүс халамжийн бодлогоо зогсоох талаар, ажил хийж буй хүмүүсийн татварын мөнгөөр ажилгүй хүмүүсийг тэтгэж байгаа тул зогсоохыг шаардсан агуулга бүхий сэтгэгдлүүдийг үлдээжээ. Дээрх мэдээллийг нягталлаа. Уг мэдээллийн […]

Хятад улс албан ёсоор крипто валютыг гаргасан уу?

news.mn сайт 2021.12.21-ний өдөр “Хятад улс албан ёсоор крипто валютыг гаргав” гэсэн гарчигтай мэдээ нийтэлжээ. Уг мэдээнд “Дэлхийн олон улсын засгийн газар болон томоохон банкнуудын айдас биеллээ олжээ. Учир нь Хятад улс крипто валют, блокчэйн технологийн салбарт нэг алхам урагшилж, өөрсдийн албан ёсны койноо гаргав. Хятадын засгийн газраас уг шинэ койныхоо маркетинг, худалдан авалтыг “YuanPay […]

Өөр мэдээ олдсонгүй.