Tserenkhuu Ishtseden хэмээн фэйсбүүз хэрэглэгч КОВИД-19-ийн вакцинтай холбоотой дараах мэдээллийг постолсон байна.
“Турк Альфад нэрвэгдэн сүйрэхийн даваан дээр хятад вакцинаа гаргаж Спутник аваад байдал дээрдэж ирмэгц Эрдоган өвчигнөж дахиад жунгаа вакцин авснаар өнөөдөр Дельта дэгдэж дахиад хүнд байдалд оров” гэсэн түүний постод 296 хүн лайк дарж, 64 хүн шэйрэлжээ.
Уг мэдээллийг нягталлаа.
“Турк Альфад нэрвэгдэн сүйрэхийн даваан дээр…”
FactCheck:
Pfizer / Biontech-ийн вакцин нь анхны вирус(альфа)-ээс урьдчилан сэргийлэхэд 91%, Синовак нь 50%-ийн үр дүнтэй байдаг.
Синовак нь Дэлхийн эрүүл мэндийн байгууллага (ДЭМБ)-ын үр ашгийн хязгаараас давсан учраас ашиглахыг зөвшөөрсөн. Энэ вакцинаар Турк улс эрүүл мэндийн салбарынхан болон иргэдээ дархлаажуулсан.
Хэрэв Синовак байгаагүй бол хэдэн зуун мянган хүний амь эрсдэх байв. КОВИД-19-ийн улмаас эрүүл мэндийн 1,000 гаруй ажилчид нас барсан. Тэдний 68 хувь нь вакцинжуулалт эхлэхээс өмнө буюу 2020 оны 9, 10, 11, 12, 2021 оны нэгдүгээр сард амиа алджээ.
Туркийн Эрүүл мэндийн яамнаас зарласан мэдээллээр цар тахлын эхэн үеэс 2021 оны нэгдүгээр сар хүртэл тус улсад КОВИД-19-ийн халдвараар 25,993 хүн нас барсан байна. Эдгээр нас баралтын 75.4% нь дээр дурдсан таван сарын хугацаанд буюу вакцинжуулалт эхлэхээс өмнө гарсан байна.
Тус улсад 55.8 сая тун вакцинаар 16.6 сая иргэнээ бүрэн дархлаажуулж, 20.6 сая хүнээ эхний тунд хамруулаад байна. Нийт вакцинжуулалтын хувь 19.9% байгаа юм.
“Хятад вакцинаа гаргаж Спутник аваад буй байдал…”
FactCheck:
2021 оны нэгдүгээр сарын 14-ний өдрөөс Турк улсад зөвхөн Синовак вакциныг хийж эхэлжээ. 2021 оны 4-р сарын 2-ноос Турк улсад Пфайзер вакциныг хийж эхэлсэн. Турк улсад Спутник вакцин хийгээгүй.
“Дээрдэж ирмэгц Эрдоган өвчигнөж дахиад жунгаа вакцин авснаар…….”
FactCheck:
Эрүүл мэндийн сайд Кожа 100 сая тун Синовак, 120 сая тун БионТех, 50 сая тун Спутник вакцины талаар тохиролцоо хийсэн гэж мэдэгдэв. Гэхдээ Турк улсад Спутник вакцин хийлгээгүй.
“…өнөөдөр Дельта дэгдэж дахиад хүнд байдалд оров”
FactCheck:
Туркийн Эрүүл мэндийн сайд Фахреттин Кожа 6-р сарын 29-ний өдөр Туркийн 26 мужид Дельта хувилбарын 224 тохиолдол илэрсэн гэж мэдэгдэв. DW Туркийн асуултуудад хариулахдаа Шинжлэх ухааны зөвлөлийн гишүүн, Cerrahpaşa анагаах ухааны факультетийн микробиологийн тэнхимийн проф. Др. Кенан Мидилли “Туркт Дельта хувилбар түгээмэл байдаг гэдгийг харуулах мэдээлэл одоогоор алга байна.
Альфа хувилбар (Их Британид анх илрүүлсэн) одоогийн тохиолдлуудад давамгайлж байгаа хэвээр байна. Турк улсад илрүүлсэн нийт тохиолдлын 90 гаруй хувь нь Альфа хувилбараас гаралтай гэж хэлж болно.
Нягталсан: Турк Улсын ЭМЯ ны харьяа Дарижа Фараби Сургалт Судалгааны Эмнэлэг, Элэг Дурангийн нарийн мэргэжлийн эмч Б.Мөнхцэцэг
Эх сурвалж:
https://www.dw.com/tr/delta-varyant%C4%B1-t%C3%BCrkiyede-ne-kadar-yayg%C4%B1n/a-57984629
https://www.aa.com.tr/en/health/highly-contagious-delta-variant-raises-concerns-of-3rd-wave-of-covid/2295135
https://covid19asi.saglik.gov.tr/TR-77706/covid-19-asisi-ulusal-uygulama-stratejisi.html
https://www.indyturk.com/node/377301/sa%C4%9Flik/t%C3%BCrk-tabipler-birli%C4%9Fi-koronavir%C3%BCs-nedeniyle-403-sa%C4%9Fl%C4%B1k-%C3%A7al%C4%B1%C5%9Fan%C4%B1-ya%C5%9Fam%C4%B1n%C4%B1-yitirdi
НҮБ-ын Хүүхдийн Сангийн дэмжлэгтэйгээр нягтлав.
